+675 722 22 151 pngflag
+61 7 3106 4271 ausflag
[English] [Tok Pisin]

 

Fares


Ol liklik lo bilong ol PNG Air tiket prais - Effective 01 November 2015

FARE NAME

CORPORATE ADVANTAGE

FLEXI

VALUE

THE WILD FARE

FARE CLASS

Q

L/T

V/B

W

BILONG SENISIM FLIGHT NA DEI LONG TIKET

Yu nap senisim i go inap 1 hour bifo long balus kirap

Yu nap senisim i go inap 1 hour bifo long balus kirap

Yu nap senisim I go inap 1pla dei bifo balus kirap

Yu nap senisim i go inap 2pla dei bifo balus kirap

PEI BILONG SENISIM BALUS NA DEI

Nogat pei blong senisim flight na dei long tiket

PGK110 bilong wanwan pasindia bilong wanwan hap long ron bilong balus

PGK110 bilong wanwan pasindia bilong wanwan hap long ron bilong balus

PGK110 blong wanwan pasindia bilong wanwan hap long ron bilong balus wantaim pei bilong yusim narapela fare long kalap

BILONG SENISIM NEM LONG TIKET

Nogat pei blong senisim tiket nem

PNGK110 blong wanwan taim yu senisim nem

PNGK110 blong wanwan taim yu senisim nem

Tambu tru long senisim nem long tiket

SENISIM BALUS RON LONG TIKET

Yu nap senisim balus ron tasol mipla bai rausim PNGK110 fee

Tambu tru long senisim balus ron long tiket

Tambu tru long senisim balus ron long tiket

Tambu tru long senisim balus ron long tiket

LONG KISIM MONI BEK

Yu ken kisim moni bek insait long 2pla wik bihain long taim bilong balus ron

Yu nonap kisim moni bek

Yu nonap kisim moni bek

Yu nonap kisim moni bek

SAPOS YU NO KALAP LONG BALUS

Yu bai baim PNGK165 – na gat 2pla wik long wokim niupela buking

Yu bai baim PNGK165 – na gat 2pla wik long wokim niupela buking

Sapos yu no chek in o kalap long balus yu nonap kisim bek tiket moni bilong yu

Sapos yu no chek in o kalap long balus yu nonap kisim bek tiket moni bilong yu

SAPOS YU LAIK RAUSIM BUKING OLGETA

(hold in credit)

Yu nap rausim insait long 2pla wik bihain long taim balus ron

Yu nap rausim insait long 2pla wik bihain long taim balus ron

Yu gat taim inap long 1pla dei bifo long taim balus ron

Yu gat taim inap long 2pla dei bifo long taim balus ron

PIKININI DISCOUNT (2 – 11PLA KRISMAS)

25%

25%

25%

25%

TAIM BILONG BAIM TIKET BAI PAS

Taim yu bukim tiket yu gat 1pla dei tasol long baim

Taim yu bukim tiket yu gat 1pla dei tasol long baim

Taim yu bukim tiket yu gat 1pla dei tasol long baim

Displa kain tiket yu baim stret long taim yu bukim tiket

 

Toksave: I gat tiket prais bilong sukuruim long seim dei go long ol narapela ples. Ol kam aninit long ol lo bilong baim tiket tasol yu no nap silip long wanpela hap namel long kisim ol konekson ron bilong balus.


Fare Rules Effective 01 November 2015

 

CORPORATE ADVANTAGE (Q)

 

Em i orait na yu no inap baim ken long senisim nem bilong pasindia, ron bilong balus na dei long tiket, taim long mekim dispela bai go inap long 1pla aua bifo long balus kirap. Sapos prais bilong niupela buking i antap moa long prais bilong pastaim tiket, yu mas baim hap moni long stretim taim yu senisim buking. Em i orait tu long senisim balus ron i go long narapela ples olgeta tasol, bai yu baim PNGK110 na sapos prais bilong niupela buking i moa long pastaim buking, yu mas baim dispela hap moni tu. Sapos prais bilong niupela tiket i liklik moa long pastaim tiket, mipela bai rausim hap tiket moni bilong niupela buking na givim yu o yu nap putim i go long dispela PNGK110 sas bilong senisim tiket, em yu yet bai tok. Long kisim bek olgeta moni bilong yu, yu ken kisim insait long 2pla wik bihain long taim bilong dispela ron bilong balus, tasol bai yu baim yet PNGK110 sas. Dispela fee PNGK110 em bilong wanwan pasindia long baim. Narapela wei tu, yu ken lusim dispela hap moni olsem kredit bilong yu stretim narapela tiket long bihain taim, insait long 1pla krismas stat long taim yu kisim pastaim tiket. Long dispela bai yu gat 1pla dei long baim tiket. Na sapos yu no go kamap long sikelim cargo o yu no kalap long balus ( ol kolim NO SHOW) yu bai baim PNGK165.00 bilong wanwan pasindia taim yu wokim niupela buking o mipela bai rausim long kredit bilong yu sapos yu gat wantaim mipela. Bihain long (NO SHOW) we yu no kalap long balus, yu mas wokim niupela buking bilong yu insait long narapela 2pla wik. Bilong ol pikinini we krismas bilong ol namel long 2pla na 11pla krismas, yu baim 75% bilong prais bilong ol bikpela manmeri. Ol liklik pikinini ananit long 2pla krismas bai kalap nating long balus sapos yu tupela sidaun wantaim, tasol sapos ol sidaun long sia bilong ol yet, bai yu baim 75% long normol prais.

 

 

 

FLEXI FARE/ THRIFTY FARE (L/T)

 

Em orait long senisim dei na ron bilong balus long tiket inap long 1pla aua bifo long balus i kirap. Prais bilong niupela tiket mas wankain o moa long pastaim tiket. Bilong mekim dispela senis yu mas baim PNGK110.00 bilong wanwan pasindia bilong wanwan hap balus ron long buking, sapos i no wan wei tiket. Sapos niupela na pastaim tiket ino wankain prais, em bai yu baim ken hap moni, taim yu senisim tiket. Em bai narapela PNGK110.00 yu bai baim sapos yu senisim nem bilong pasindia long ol wanwan tiket, tasol yu no inap senisim long go long narapela ples. Yu no inap kisim bek moni yu baim pastaim tiket wantaim, tasol mipla ken holim olsem kredit na yu nap usim long stretim narapela tiket long bihain taim,insait long 1pla krismas stat long taim yu bin baim pastaim tiket. Long dispela bai yu gat 1pla dei long baim tiket. Na sapos yu no go kamap long sikelim cargo o yu no kalap long balus ( ol kolim NO SHOW) yu bai baim PNGK165.00 bilong wanwan pasindia taim yu wokim niupela buking o mipela bai rausim long kredit bilong yu, sapos yu gat wantaim mipela. Bihain long (NO SHOW) we yu no kalap long balus, yu mas wokim niupela buking bilong yu insait long 2pla wik. Bilong ol pikinini we krismas bilong ol namel long 2pla na 11pla krismas, yu bai baim 75% bilong prais ol bikpela manmeri. Ol pikinini ananit long 2pla krismas bai kalap nating long balus sapos yu sidaun wantaim ol, tasol sapos ol sidaun long sia bilong ol yet, bai yu baim tu 75% bilong prais bilong ol bikpela tu.

 

 

VALUE FARE (V/B)

 

Em orait long senisim dei na ron bilong balus long tiket enitaim, inap long 1pla dei bifo long balus i kirap. Prais blong niupla tiket mas wankain o moa long fest tiket. Bilong mekim dispela senis yu mas baim PNGK110.00 bilong wanwan pasindia bilong wanwan hap bilong go long en long buking sapos i no wan wei tiket. Sapos niupela na pastaim tiket ino wankain prais, em bai yu baim tu, taim yu senisim tiket. Em bai narapela PNGK110.00 yu bai baim sapos yu senisim nem bilong pasindia long ol wanwan tiket, tasol yu no inap senisim long go long narapela ples. Yu no inap kisim bek moni yu baim pastaim tiket long en, tasol mipela nap holim olsem kredit bilong yu long stretim narapela tiket long bihain taim,insait long 1pla krismas stat long taim yu bin baim pastaim tiket. Long dispela bai yu gat 1pla dei long baim tiket. Na sapos yu no go kamap long sikelim cargo o yu no kalap long balus ( ol kolim NO SHOW) yu bai baim PNGK165.00 bilong wanwan pasindia taim yu wokim niupela buking o mipela bai rausim long kredit bilong yu sapos yu gat wantaim mipela. Bihain long (NO SHOW) we yu no kalap long balus, yu mas wokim niupela buking bilong yu insait long 2pla wik. Bilong ol pikinini we krismas bilong ol i namel long 2pla na 11pla krismas, yu baim 75% bilong prais bilong ol bikpela manmeri . Ol liklik pikinini ananit long 2pla krismas bai kalap nating long balus sapos yu sidaun wantaim ol, tasol sapos ol sidaun long sia bilong ol yet bai yu baim 75% bilong ol bikpela manmeri .

 

WILD FARE (W)

 

Em orait long senisim dei na ron bilong balus long tiket enitaim, inap long 2pla dei bifo long balus i kirap. Prais bilong niupela tiket mas bikpela moa long pastaim tiket bikos dispela em ol i kolim upgrade. Bilong mekim dispela senis yu mas baim PNGK110.00 bilong wanwan pasindia bilong wanwan hap bilong go long en long buking sapos i no wan wei tiket. Sapos niupela na pastaim tiket ino wankain prais, em bai yu baim hap moni ken, taim yu senisim tiket. Narapela samting long dispela kain tiket, yu no inap senisim ples long go long en o nem bilong pasindia. Moni yu baim pastaim tiket wantaim yu no inap kisim bek, tasol mipela ken holim olsem kredit bilong yu long stretim narapela tiket long bihain taim,insait long 1pla krismas stat long taim yu bin baim pastaim tiket. Long dispela bai yu gat 1pla dei long baim tiket. Na sapos yu no go kamap long sikelim cargo o yu no kalap long balus (ol kolim NO SHOW) yu bai lusim olgeta tiket moni bilong yu. Bilong ol pikinini we krismas bilong ol namel long 2pla na 11pla krismas, yu bai aim 75% bilong prais bilong ol bikpela manmeri . Ol liklik pikinini ananit long 2pla krismas bai kalap nating long balus, sapos yu sidaun wantaim ol, tasol sapos ol sidaun long sia bilong ol yet, bai yu baim 75% bilong prais bilong ol bikpela manmeri.

 

 

MAK BILONG OL PASINDIA

 

Long ol wanwan ron bilong balus, Mipela yet bai skelim hau mas pasindia long ol wanwan kain tiket bai nap kalap. Tingim dispela ol kainkain tiket kam wantaim liklik lo bilong ol na i no olgeta ron bilong ol balus bai gat spes.