+675 722 22 151 pngflag
+61 7 3106 4271 ausflag
[English] [Tok Pisin]

Lo Long Bihainim na Kalap Long Balus


Minin bIlong ol liklik hap toktok long ol balus kampani

 

Sampela dispela ol hap toktok ken gat narapela minin tasol dispela em ol liklik samting long save taim yu kam kalap wantaim mipela. Ol i kolim Conditions of Carriage:

 

Airline Designator Code em minin 2pla o 3pla hap sain o leta long luk save namel long ol wanwan balus kampani

 

PNG Air, CG, We, Us, Our, Ourselves, minin Airlines bilong Papua New Guinea Limited ol wok aninit long nem PNG Air

 

Authorised Agent minim wanpela narapela kampani holim license long markim PNG Air olsem agent na salim tiket long ol pasindia

 

Baggage minin liklik cargo bilong karim wantaim yu insait long balus wantaim kago we yu sikelim.

 

Baggage Allowance minim mak bilong hau mas o wanem kago yu ken karim wantaim insait long balus na wanem kago bai yu sikelim. Dispela em tiket moni yu baim em i karamapim

 

Baggage Check minim hap bilong tiket PNG Air o wanpela agent bilong mipela givim long yu, we i soim namba bilong kago yu sikelim

 

Baggage Identification Tag minin hap bag namba stika ol woklain givim yu long halivim yu long pikim kago bilong yu taim yu kamap long wanem ples yu go long en

 

Blood or breath alcohol concentration (BAC), minim hau mas strongpela dring stap long blut bilong yu sapos yu spak liklik na ol testim yu. Ol save skelim long hau mas strongpela dring long maus o blut bilong yu. Ol save skelim olsem 1pla gram long olgeta 100 mililta bilong blut. Sapos wanpela BAC long 0.05 minim bodi bilong yu i gat 50pla milligram long strongpela dring insait long wanpela 100 mililita long blut. Long wokim dispela BAC ol bai testim win long maus bilong yu (sapos nogat bai ol woklain testim yu long narapela wei we PNG Air i givim tok orait)

 

Cabin Baggage minim wanem bek yu karim wantaim yu insait long balus i no kago yu sikelim

 

Carrier em minim balus kampani

 

Checked Baggage minim kago ol woklain sikelim na salim go insait long loadim long balus na givim bag namba stika long yu

 

Check-In Deadline minim taim PNG Air givim yu long pinis long sikelim cargo na kisim bodin pass

 

Conditions of Carriage minim lo dispela na ol narapela toksave long tiket bilong yu na ol liklik lo bilong kain tiket yu baim

 

Convention minim mama lo olgeta kantri save wok aninit long en, ol i kolim The Convention bilong Unification of Certain Rules Relating to International Carriage by Air, ol bin kamapim long Warsaw long kantri Poland long 12 mun Octoba 1929 ( Warsaw Convention). Ol bin senisim liklik ken long 28 mun Septemba 1955 long wanpela ples ol kolim The Hague na bungim wantaim dispela ol narapela lo, Additional Protocal namba wan, tu o fo long ples ol kolim Montreal long 1975, Guadalajara Supplementary Convention long 1961 o long Montreal Convention long 1999.

 

Days minim ol dei long wik o kalenda

 

Domestic Travel minim ol hap we balus kirap na kamap bai stap insait long wanpela kantri tasol na no ron bilong balus no nap go long wanpela narapela kantri   

 

Electronic ticket minim rekot bilong tiket bukin bilong yu we ol woklain bilong PNG Air o wanpela agent bilong mipela i stretim na givim yu bai stap long mama komputa system bilong PNG Air

 

Flight Coupon tok long sapos ol givim yu pepa tiket, em bai hap bilong tiket we yu lukim em tok “goods for carriage”, o sapos elektronik tiket, dispela liklik hap bai minim rekot bilong bukin bilong yu long sistem bilong mipela na bai toksave long olgeta woklain wanem ron bilong balus bai yu kalap long en

 

International Carriage minim ron bilo balus we yu go kam long 2pla kantri na sampela taim bai gat ol narapela ron insait long dispela ol kantri

 

Itinerary, Receipt and Tax Invoice, i tok long pepa PNG Air o wanpela agent bilong mipela i givim insait long elektronik tiket, na bai gat liklik stori olsem nem bilong yu, ron bilong balus, hau yu baim tiket na sampela narapela toksave tu

 

Passenger, dispela hap tok i minim yu husat manmeri i gat tiket long kalap long balus tasol i no minim ol woklain bilong mipela inasit long balus

 

Special Drawing Rights (SDR’s) minim hau mas International Monetary Fund i markim long senisim moni bilong 2pla kantri. 1pla SDR em olsem AUD1.90, tasol wanem ol i kolim exchange rate i no save stap wankain. 

 

Tariff, i tok long olgeta kain tiket prais, (ol kolim fare) we mipela setim pinis long mama bukin system bilong PNG Air na airline global distribution systems o ol gavanment ofis

 

Ticket, minim pepa o elektronik tiket PNG Air o wanpela agent bilong mipela we ol raitim Passenger Ticket & Baggage Check”

 

Hau ol yusim Conditions of Travel o ol lo bilong kalap long balus

 

Dispela em ol lo bilong:

  • ron bilong ol PNG Air balus insait long Papua New Guinea, na
  • ron bilong ol PNG Air balus i go long ol narapela kantri

 

 

Em ol ron bIlong ol balus we yu ken lukim “CG” ol i kolim Airline Designator Code lo tiket bilong yu na em i wok bilong mipela long sait bilong lo long lukautim yu taim yu go kam long ol balus wantaim mipela.

 

Gratuitous or Reduced Fare Carriage

 

Ol dispela Conditions of Carriage em tok long ol sevis bilong mipela we mipela wokim o givim nating long yu o mipela daunim prais o mipela raitim pas i kam long toksave long ol kain samtin olsem

 

 

 

 

Basis of Carriage

 

Long karim ol pasindia long ol ron bilong balus bilong PNG Air i kam ananit long CG Airline Designator Code na mas bihainim ol dispela lo:

 

  • ol hap tok ol raitim olsem Conditions of Carriage
  • wanem ol tiket prais we mipela putim long sistem wantaim ol ofis husat i lukautim ol balus kampani
  • Convention na sampela taim ol PNG lo tu na we ol narapela lo tu mipela kam aninit long en
  • Wanem kain toksave ol woklain bilong mipela tok o givim long wanpela pas long pasindia

 

Overriding Law

 

Ol dispela Conditions of Carriage mipela ken yusim long ol pasindia bilong mipela tasol we i gat liklik senis long prais bilong tiket, o ol lo long yu kalap wantaim mipela, em nau bai mipela yusim ol dispela narapela lo:

 

Read Down

 

Sapos mipela no nap yusim wanpela long ol Conditions of Carriage bikos ol senisim ol narapela mama lo, em nau ol bai wokim dispela read down lo traim mekim orait ken long yusim ol Conditions of Carriage. Sapos nogat bai dispela read down i raus long Conditions of Carriage na larim ol narapela lo i stap yet.

 

Cannot Vary

 

Nogat wanpela woklain bilong PNG Air o husat narapela mipela givim tokorait long en, ken senisim ol lo aninit long Conditions of Carriage. Tasol mipla gat rait long senisim ol lo bilong kain tiket yu holim na prais bilong em tu.

 

Legal notices em bai bikos yu laik putim kleim bihain long yu yusim sevis bilong mipela

 

Olgeta wanem kain kleim o toktok strong i kamap bihain long yu kalap long wanpela balus sevis bilong mipela, yu mas raitim pas i kam long PNG Air General Counsel long Het Ofis bilong mipela long Pot Mosbi. Sapos yu gat ol pepa long kotim mipela PNG Air, yu mas bihainim ol mama lo mipela kam aninit long en na ol lo bilong kot long givim mipela.

 

Conditions Prevail

 

Sapos wanpela long ol Conditions of Carriage i no stret wantaim sampela spesol sevis mipela bai givim (olsem long ol pikinini husat i kalap ol yet long balus o ol siklain we hat long ol long raun ol yet) nau em ol dispela Conditions of Carriage bai karampim.

 

 

 

 

 

Charter Operations

 

Sapos mipela ron long wanpela charta kontrakt, dispela ol Conditions of Carriage bai karamapim na yu kisim wanpela pas long givim narapela toksave, em nau bau nogat.

 

Other Forms of Transportation

 

Sapos PNG Air stretim toktok wantaim yu o wanpela narapela kampani, long givim sevis long mipela, em bai aninit long lo bilong wanem dispela narapela kampani.

 

Our Name and Address

 

Nem trutru bilong mipela em Airlines of Papua New Guinea Limited, na bilong sotim em PNG Air o CG. Wokples bilong mipela i stap long Jacksons Intanesenol Ples Balus, Pot Mosbi, Papua Niugini.

 

 

OUR CONDITIONS OF CARRIAGE

--------------------------------------------------------------------------------------------------------------------------------------

1. OUR CONDITIONS OF CARRIAGE

 

Ol displa ol Conditions of Carriage i markim hau mipela bai wok long givim nambawan sevis na was gut long yu. Sapos yu bai yusim sevis bilong mipela na bilong narapela balus kampani tu. Taim yu ron long balus bilong narapela balus kampani, em bai aninit long ol lo bilong ol yet. Ol lo bilong kampani bilong mipela karamapim ol balus bilong mipela tasol. Sapos sevis bilong mipela i givim yu tiket o sikelim kago bilong yu long kalap long balus bilong narapela kampani, mipela makim ol olsem agent tasol na bai kam yet aninit long kampani lo bilong ol.

 

 

2. APPLICATION OF CONVENTION

 

Ol ron bilong balus go long ol narapela kantri bai kam aninit long mama lo, ol kolim The Convention o sapos nogat, bai kam yet aninit long ol dispela Conditions of Carriage we The Convention i no karamapim. I gat mak long wok bilong mipela long was long yu olsem sapos dai i kamap, wanpela kisim bagarap, wanpela bek bilong yu i bagarap o lus olgeta o sapos ron bilong balus i no go o kam hariap.

 

 

3. TRAVEL PREPARATIONS

 

Em wok bilong yu yet long stretim tiket na wanem ol narapela pepa yu nid long gat, long go long ol narapela kantri aninit long lo bilong ol yet, olsem:

 

  • Yu go painim aut long ol hai komisen o consulet ofis bilong kantri yu laik go long em, long save gut sapos yu nidim paspot o nogat, wanem kain visa pepa o helt pepa o sampela kain pas long tok olsem yu no nap stap olgeta,bai yu kalap yet long narapela balus na go ken.
  • Kisim dispela olgeta pepa
  • Kisim wanem ol sut o marasin (ol kolim inoculations) ol tokim yu long gat bifo ol nap larim yu kamap long kantri bilong ol, na
  • Painim aut long wanem kain ol tok lukaut i stap bilong ol narapela kantri yu bai go kam long ol, bilong was gut long sait bilong helt na seifti bilong yu

 

 

Sapos mipela halivim yu liklik long ol disepla samtin, em bai stap yet olsem wok bilong yu long stretim.

 

 

4. CONDITIONS AT DESTINATION

 

Bifo yu kamap long displa ol narapla kantri, yu mas painim aut sapos i gat sampla kain kros pait I kamap o ples bagarap bifo yu go. Mipla no nap sanap makim yu long sait blong seifti o wanem kain ol narapla bagarap o rong kamap long yu long ol narapla kantri. Planti ol displa kain toksave yu ken kisim long sampla ol gavaman ofis o high comisen o consula ofis. Yu ken sekim tu website blong Australian Department of Foreign Affairs and Trade tu sapos yu bai go olsem long Australia.

 

5. TRAVEL INSURANCE

 

Bikos ol balus ron go kam long narapela kantri i gat planti kain hevi long traim abrusim, i gat mak tu bilong mipela long halivim yu. Mipela tok strong olsem yu mas baim travol insurans long lukautim yu long ol dispela kain hevi olsem:

 

  • Tiket bilong yu i lus
  • Yu senisim o stopim sampela hap bilong balus ron bilong yu
  • Baim marasin na go kam long haus sik
  • Long kisim yu na husat ol lain kalap wantaim yu long kam bek long PNG
  • Sapos yu yet kisim bagarap o dai
  • Sapos wanpela bek o kago bilong yu i bagarap, lus o isi isi tumas long kamap

 

 

6. TICKET ISSUED FOR CARRIAGE ON ANOTHER CARRIER

 

Sapos mipela givim yu tiket o sikelim kago bilong yu long kalap long balus bilong narapela kampani, mipela makim ol olsem agent tasol, na dispela ron bilong yu long balus o sevis bilong ol, bai kam yet aninit long lo bilong kampani bilong ol yet.

 

 

7. CODESHARES

 

Sapos yu mekim bukin wantaim PNG Air na holim pinis tiket bilong kalap long wanpela ron bilong mipela (em minim sapos tiket bilong yu i gat CG Airline Designator Code) yu ken yusim tu long kalap long wanpela narapela balus kampani.

 

 

8. HELT

 

Mipela nonap larim yu long kalap long wanpela balus ron bilong mipela, sapos ol woklain bilong mipela lukim olsem yu gat sampela kain sik we hevi I nap painim yu namel long ron bilong balus. Pastaim long yu bukim tiket, yu mas toksave long ol woklain bilong mipela, sapos yu gat sampela kain sik we hevi nap kamap long yu o ol narapela pasindia.

 

 

 

a) Deep vein thrombosis (DVT):

 

Sampla wok painim aut i tok olsem displa sik DVT ken kamap long sampla sapos ol i sidaun tasol longpla taim, we ol buk bai kamap long ol rop long lek blong yu. Sapos yu filim olsem nogut displa ken kamap long yu, mipla tok strong olsem yu mas go lukim dokta pastem long kisim tokorait bifo yu kalap long balus.

 

 

b) Pregnancy

 

Sapos yu bel na:

 

  • Yu wanpela bel mama na bai go kam long narapela kantri, ol kolim International Carriage, yu mas mekim dispela balus ron pastaim long bebi stap long bel kam inap olsem 9mun long en. I mas gat 28pla dei namel long ol dei yu makim long ron long en, wantaim dei dokta i markim long yu long karim. Moa long dispela, dokta bilong yu o wanpela haus sik woklain, mas givim tok orait pepa olsem yu na bebi stap orait na nap kalap long balus. Dispela pas bilong dokta mas raitim dei ol markim yu bilong karim, na mipela nap gat bel isi olsem yu bai go kam orait.
  • Yu na bebi stap orait na ron bilong yu long balus bai insait long kantri tasol, ol kolim Domestic Carriage, yu no nidim tok orait bilong dokta o haus sik long kalap long balus.
  • Sapos sidaun bilong yu na bebi i no orait tumas, bilong raun insait long kantri (Domestic Carriage) o long go long narapela kantri (International Carriage) tu, bilong tupela wantaim, yu mas gat tok orait pepa bilong dokta.
  • Sapos yu bel wantaim tupela o moa bebi na stap orait tasol, yu no nidim tok orait pepa bilong dokta sapos balus ron bilong yu go long narapela kantri (International Carriage) bai kamap pastaim long bebi stap long bel kam inap long mak olsem 8 mun. I mas gat 56pla dei namel long go kam long balus ron bilong yu na kam bek pastaim long dei dokta markim long yu bilong karim. Yu mas karim wantem yu tu tok orait pepa blong dokta o haus sik, na pas mas raitim dei ol markim yu bilong karim.
  • Sapos yu bel wantaim tupela o moa bebi na stap orait tasol, na balus ron bilong yu bai insait long kantri tasol (Domestic Carriage) yu no nidim tok orait pepa bilong dokta o haus sik. Tasol yu mas kam bek pastaim long bebi stap long bel kam inap long mak olsem 9 mun. I mas gat 56pla dei namel long go kam long balus ron bilong yu na kam bek pastaim long dei dokta markim long yu bilong karim. Yu mas karim wantaim yu tok orait pepa bilong dokta o haus sik na pas mas raitim dei ol markim yu bilong karim.

 

Mipela no tok em orait tasol long yu go kam long balus namel long taim yu bel long en. Olgeta taim yu mas kisim tok orait bilong dokta pastaim. Ol mun long taim yu bel mipela markim long dispela toksave em insait long seifti mak bilong mipela.

 

  

9. Personal information

 

Mipela save kisim liklik stori bilong yu (wantem sait bilong helt bilong yu) na mipela ken givim sevis we inap long yu, stretim ol balus ron bilong yu, wokim liklik marketing wok painim aut, sait bilong immigration na kastom kontrol wok, sikuriti, na sait bilong administresen na lo. Sapos yu no givim ol liklik stori bilong yu, mipela bai painim hat long givim wanem kain sevis yu askim long en.

 

Bilong dispela as, yu mas wanbel olsem mipela ken holim liklik stori bilong yu stap na ken givim long ol narapela kampani we mipela wok bung wantaim, ol narapela balus kampani, o ol sampela kampani we mipela yusim sevis bilong ol (kisim moa toksave long Privacy Statement long www.PNGair.com.pg), kampani we yu wok sapos ol baim tiket bilong yu aninit long kopret trevol kontrakt wantaim mipela, kredit na ol narapela kredit kampani, ol kain kain ofis long sait bilong lo na gavaman long hia na long narapela kantri tu bilong sikuriti, kastoms, long taim hevi i kamap na immigrasen long kamap long narapela kantri. Sampela ol liklik stori bilong yu we ol lo bilong gavaman tok yu mas givim mipela, olsem nem na namba bilong ol femili o save lain long toksave sapos yu bungim wanpela kain hevi long namel long balus ron bilong yu.

 

Yu ken sekim ol liklik stori bilong yu we mipela holim long en sapos i gat sampela senis long mekim. Yu ken raitim pas i kam long PNG Air Customer Care P.O. Box 170 Boroko NCD 111, Papua New Guinea, long mekim dispela ol senis.

 

 

10. OL BUKIN

 

Taim yu bukim tiket sistem bilong mipela nonap soim inap woklain bilong mipela o agent makim mipela i kisim na konfemim.

 

 

11. TAIM LONG BAIM TIKET

 

Baihain long yu bukim tiket, yu mas baim insait long taim woklain bilong mipela o agent makim mipela i tokim yu long en. Sapos yu no baim bifo o long las dei stret ol givim yu long baim, mipela bai rausim tasol bukin bilong yu na sapos yu laik bekim balus ron yet, bikos fest bukin i lus nau yu bai nid long bukim niupela tiket ken.

 

--------------------------------------------------------------------------------------------------------------------------------------

 

12. LONG KONFEM KEN

 

Yu no nid long konfemim ken bukin bilong ol ron bilong balus bilong mipela. Yu bai wokim tasol sapos yu bai kalap long balus ron bilong ol narapela kampani. Long dispela sait bai yu bihainim lo bilong ol dispela narapela balus kampani, i no bilong mipela PNG Air. Sapos yu no rekonfem ken wantaim ol long kalap long wanpela balus ron bilong ol na lo bilong ol yet tok yu mas mekim, em nau ol ken rausim bukin bilong yu.

 

 

 

13. LONG SENISIM BUKIN BLONG YU

 

Sapos yu laik mekim sampela senis long bukin yu wokim pinis, yu ken ringim ol woklain bilong mipela long wanpela long ol PNG Air ofis o agent bilong mipela klostu long yu. Ol kontak namba bilong ol bai stap long risit long e-tiket bilong yu. Na online long www.PNGair.com.pg

 

Sampela kain tiket prais (ol kolim fare) bai tambuim yu long:

  • Yu no nap senisim o rausim bukin
  • Yu ken askim long senisim bukin tasol long taim mipela makim
  • Yu ken askim long senisim bukin bilong yu taim yu baim sampela moa moni antap long tiket prais ol kolim applicable additional service fee o charge fee (tingim: PNG Air ken apim prais na bai senisim moni mak lo long www.PNGair.com.pg

 

Ol kain kain tiket prais we yu no nap senisim o rausim bukin bai gat mak ol nap kamap long en long sait bilong kisim bek moni bilong yu (tingim bai mipela rausim hap moni bilong karamapim fee long senisim na stretim bek bukin bilong yu).

 

 

 

14. TIKET PRAIS KARAMAPIM WANEM SAMTIN

 

Tiket yu baim karamapim ron bilong balus yu bai kalap long en na cargo yu sikelim long kalap wantaim (Baggage Allowance):

 

  • Ples balus long tiket bilong yu we yu bai kalap long balus long en
  • Ples balus long tiket bilong yu we yu bai go daun long en

 

Mipela bai bihainim laik bilong yu long wanem taim yu laik go kam long balus na long wanem ol dei, na aninit long ol prais mak bilong mipela. Taim yu baim tiket.

 

 

15. WANEM SAMTING OL TIKET I NO KARAMAPIM

 

Prais bilong tiket bilong yu i no karamapim kar long pikim yu long taim balus bilong yu kamap long wanem hap yu go long en, na kar long lusim yu bek long ples balus taim yu go ken, o long raun mekim ol ron bilong yu taim yu stap.

 

 

16. TRAVEL INSURANCE

 

Yu mas baim travel insurance lo lukautim yu long ol kain samting olsem moni ken antap long moni yu baim tiket pinis long en taim balus i no mekim ron bilong em, o yu popaia long kalap long koneksen balus ron bilong yu bikos ol surukim bek ken taim bilong ron bilong balus. Sampela tiket we mipela givim bikpela diskount bai yu kisim bek liklik moni yu lusim long baim o nogat olgeta. Long dispela as yu mas skelim gut wanem tiket yu bai baim na tingim dispela travel insurance bai lukautim yu sapos yu laik rausim bek bukin bilong yu. Yu no nap baim travel insurance long mipela PNG Air, ol pasindia mas stretim travel insurance ol yet sapos ol laikim.

 

 

17. OL PEI NA TAKIS

 

Taim yu baim tiket, mipela bai tokim yu long (na yu mas baim) ol pei na takis we prais i no karamapim, na tiket bilong yu bai soim. Dispela ol pei na takis ken senis bihain long mipela givim yu tiket, taim senis kamap ol woklain bai usim dispela narapela prais. Sampela taim narapela kampani bai sasim ol pei na takis bilong ol yet bihain long yu kisim tiket bilong yu, em bai yu baim tu. Sapos ol daunim o rausim olgeta sampela long ol pei o takis yu baim bifo long balus ron bilong yu, yu ken kisim bek hap moni bilong yu.

 

 

 

 

18. GOODS NA SERVICES TAX (GST) – PAPUA NEW GUINEA

 

Ol tiket bilong raun insait long PNG tasol, ol kolim Domestic Fares, na no nap go long narapela kantri o International Carriage bai yu baim Papua New Guinea GST. Sapos ol bungim GST wantaim prais bilong tiket, sampela taim ol bai soim long tiket.

 

 

 

19. OL TIKET

 

Bikpela samtin long soim olsem mipela gat kontrak wantaim yu em tiket bilong yu, so maski yu gat bukin wantaim mipela, bifo yu ken kalap long balus yu mas gat bodin pas long:

 

  • Soim long taim yu check-in olsem yu gat tiket bilong dispela balus ron yu laik kalap long en bikos em bai gat nem bilong yu, namba bilong dispela balus ron na ol narapela pepa bilong balus ron (olsem Passenger Coupon) long tiket na foto o wanem narapela kain ID kat olsem draiva laisens ol woklain bilong mipela askim long en, o
  • We yu laik chek-in wantaim intanesenal elektronik tiket long nem bilong yu, soim paspot tu na ol woklain bai luksave olsem em bilong yu stret.
  • We yu gat domestik Papua New Guinea elektronik tiket long nem bilong yu, yu mas soim taim yu chek-in

 

Tiket o elektronik tiket bai stret sapos i kam long mipela yet o wanpela agent mipela makim long en na rait moni yu baim.

 

 

20. TIKET I NO PEPA NATING

 

Yu mas tingim olsem tiket i no pepa nating na putim gut so i noken bagarap, lus o ol stilim long yu. Sapos tiket bilong yu i lus o ol stilim long yu, yu mas toksave hariap long mipela, o sapos yu mas long we, hariap long putim ripot wantaim ol polis.

 

 

21. SAPOS TIKET BAGARAP, I LUS O OL STILIM

 

Taim tiket bilong yu i bagarap, i lus o ol stilim yu ken askim mipela long givim niupela sapos:

 

  • Pepa tiket bilong yu i lus olgeta o hap tasol, o wanpela i stilim
  • Pepa tiket bilong yu gat hap i buruk, bagarap o gat mak long en, o sampla lain rait antap long en long traim senisim, o
  • Yu lusim na no karim wantaim yu long soim ol woklain bilong mipela

 

Yu mas nap soim olsem:

 

  • Yu kisim pastaim tiket long mipela yet o wanpela agent makim mipela
  • Yu gat ol sampela narapela pepa long soim olsem yu bin gat dispela tiket
  • Yu mas wokim kontrak wantaim mipela long bekim tu wanem ol narapela fee bai mipela sasim yu wantaim, inap long mak bilong pastaim tiket yu bin gat, bikos mipela o narapela kampani i lusim moni taim hevi long tiket bilong yu i kamap

 

Sapos asua bilong mipla yet, mipela no nap sasim yu. Mipela bai sasim yu administrasen fee long stretim niupela tiket sapos asua long sait bilong yu. Tasol sapos asua long sait bilong mipela yet o wanpela agent bilong mipela. Antap moa long dispela:

 

  • Sapos yu nap soim olsem yu bin kisim tiket long stretpla wei long mipela o wanpela agent bilong mipela
  • Sapos yu no sainim kontrakt long bekim bek moni mipela lusim o bungim wantaim long stretim ken tiket bilong yu,stori bilong dispela sait stap antap

Dispela kain nau, yu bai baim mipela o agent bilong mipela tiket prais long givim niupela long kisim ples bilong pastaim tiket i lus. Mipela ken bekim bek olgeta moni bilong yu mipela skelim hevi bilong yu na wanbel olsem pastaim tiket yu bin gat (we yu bin baim long mipela yet o wanpela agent bilong mipela) yu no yusim yet na taim bilong yusim i no pinis yet. Sapos yu painim dispela pastaim tiket bilong yu bifo long taim bilong yusim i pinis na givim mipela, wankain taim bai mipela givim bek moni bilong yu.

 

-------------------------------------------------------------------------------------------------------------------------------------

 

22. YU NO NAP SENISIM TIKET

 

 Yu mas noken givim o salim tiket bilong yu long narapela lain olgeta long yusim. Sapos mipela painim aut olsem narapela lain yusim tiket bilong yu long kalap long balus, mipela no nap larim dispela man o meri long kalap long balus. Sapos mipela yet no painim aut olsem yupela senisim tiket na dispela narapela man o meri kalap long balus o ol raunsim bukin na mipela givim bek moni long ol, mipela:

 

  • Mipela no nap givim yu niupela tiket o givim bek moni bilong yu, na
  • I no wok bilong mipela long stretim tiket ken bilong yu o bekim bek moni bilong yu tu

 

--------------------------------------------------------------------------------------------------------------------------------------

 

23. TAIM BILONG YUSIM TIKET

 

Ol tiket mipela o wanpela agent givim yu, sapos i no gat wanpela ol Conditions of Carriage o wanpela kain prais yu baim tiket long en, bai givim wanpela krismas olgeta long yusim, stat long taim yu baim long mipela. Sapos yu senisim bukin bilong yu na mipela givim yu niupela tiket, dispela wanpela krismas taim long yusim tiket, bai mipela kauntim yet long taim yu kisim pastaim tiket long mipela. Bihain long pinis bilong disepla wanpela krismas, bai yu nogat moa kredit wantaim mipela.

 

 

24. WE SAIT BILONG MIPELA SURUKIM TAIM BILONG YUSIM TIKET

 

Sapos yu nap wokim balus ron bilong yu insait long dispela wanpela krismas yu gat long yusim tiket bikos mipela:

 

  • Rausim ron bilong balus yu sapos long kalap long en
  • Mipela asua na rausim wan hap long balus ron bilong yu
  • Mipela asua na mekim yu misim wanpela koneksen balus ron o narapela PNG Air balus ron, o
  • Mipela no nap konfemim sia bilong yu long kalap long balus ron bilong yu
  • Mipela ken surukim taim bilong yu o lukluk long givim bek moni bilong yu.

 

 

25. YU YET SURUKIM TAIM BILONG YUSIM TIKET

 

a) Sapos yu sik

 

Sapos bihain long yu statim balus ron bilong yu:

 

  • Sapos sik i winim yu na wokim hat long kalap long balus ron bilong yu insait long taim mipela givim long yusim tiket, na
  • Yu laikim mipela long surukim taim bilong tiket na yu bai pinisim olgeta balus ron bilong yu

 

Yu mas soim medikol setifikat we dokta bai raitim wanem kain sik yu gat na givim dei we yu bai orait ken long kalap long balus. Long dispela dei dokta i raitm mipela ken bihainim na bukim yu long balus ron long dispela dei stret o bihain long en

 

  • Long hap nau balus ron bilong yu ken go het
  • Wanem spes i stap bai mipela bukim yu long en
  • Bai mipela putim yu long wankain tiket sevis olsem tiket yu baim long en

 

Sapos ol balus ron hap pepa long tiket bilong yu bai go long ol narapela hap tu, mipela ken surukim taim bilong yusim tiket long mak inap long 3pla mun olgeta. Sapos sampela femili bilong yu bin kalap long balus ron wantaim yu taim yu pudaun long sik, mipela bai surukim taim long yusim tiket bilong ol bilong wankain taim tu.

 

b) Sapos lain yu ron long balus wantaim i dai

 

Sapos wanpela pasindia i dai namel long balus ron bilong em, na yu kalap long wankain balus ron (olsem femili o ol wanwok ron wantaim), mipela ken mekim wanpela long dispela tupla samting:

 

  • Mipela no nap yusim ol tiket lo long givim yu liklik moa taim long stap long namel long balus ron bilong yu, we mipela nap yusim long taim nogat dai kamap, long tiket bilong yu
  • Mipela bai surukim taim bilong yusim tiket inap long mak olsem 45pla dei ken bihain long dai kamap.

 

c) Sapos wanpela femili lain ron wantaim yu long balus na dai

 

Sapos yu statim balus ron bilong yu na wanpela femili lain bilong yu dai, sapos yu ken soim setifikat bilong dai bilong em, mipela ken senisim tiket bilong yu na husat ol femili lain we bai kalap wantaim yu, long wanpela long dispela tupla wei:

 

  • Mipela no nap yusim ol liklik tiket lo we mipela nap putim long tiket yu baim

  • Mipela bai surukim taim bilong yusim tiket inap long mak olsem 45pla dei ken bihain long dai kamap

 

26. HAU MIPELA NAP HALIVIM YU

 

Sapos yu soim mipela olsem yu fit long kalap yu wan long balus, o yu bai kalap wantaim narapela pasindia husat ken lukautim yu long yu go kam seif tasol. Husat pasindia eskot long yu mas, long lo bilong kampani, mas gat 15pla krismas o moa, na nap lukautim yu gut inap pinis bilong balus ron bilong yu. Sapos yu nidim sampela kain spesol sevis olsem wil cher, o aipas pasindia kalap wantaim was dok bilong em, yu mas toksave long ol woklain bilong mipela taim yu bukin tiket bilong ol.

 

 

 

27. OL BEBI NA OL PIKININI

 

Ol bebi (ol kolim ol infant we ol niupela stret na go inap long mak olsem 2pla krismas) mas kalap wantaim wanpela bikpela man o meri, husat mas gat 15pla krismas o moa, na tok orait bai kam long wanpela femili o lukaut lain bilong dispela pikinini. Bai wanwan pikinini kalap long balus wantaim wanwan wasman o meri. Dispela bilong ol pikinini aninit long 6pla krismas, na sapos pikinini namel long 6pla na 11pla krismas, wankain krismas bilong husat bikpela bai kalap eskot long em long balus ron, o mama papa o waslain bilong em ken givim tok orait long em kalap em wan long balus, dispela ol kolim unaccompanied minor. Wankain taim ol pikinini namel long 12pla na 15pla krismas sapos ol femili i no askim long kalap ol yet, mipela yet nap lukluk long tu long larim ol kalap ol yet long balus.

 

 

28. OL PIKININI HUSAT KALAP OL YET (UNACCOMPANIED MINORS)

 

 Sapos wanpela pikinini, husat gat namel long 6pla na 11pla krismas, bai kalap em wan long balus ron na nogat mama papa o was lain long kalap wantaim husat gat 15pla krismas o moa, long ol balus kampani ol i kolim ol unaccompanied minor. Antap moa long dispela, mama papa o was lain bilong dispela kain yangpela pasindia olsem 12pla igo 15pla krismas, nap askim mipela long karim ol wan long balus. olsem unaccompanied minor. Ol pikinini we aninit long 6pla krismas, mas kalap wantaim wanpela bikpela long was long ol, olsem femili lain o wanpela we femili i makim long kalap was long pikinini. Long bukim tiket bilong wanpela pikinini, ol dispela unaccompanied minor, plis kam lukim mipela. Yu no nap mekim on-line bukin bilong ol pikinini olsem. I gat “Unaccompanied Minor” fom we yu bai pulamapim 3pla kopi, na yu ken kisim kopi o long website bilong mipela, o kam kisim long wanpela ofis bilong mipela o long ples balus tasol. Yu mas pulamapim dispela fom pastaim long  yupla chek-in o sikelim kago bilong dispela balus ron. Ol mama papa o was lain long tupela ples balus, we pikinini bai kalap na we em bai kamap long en, mas gat ID kat we nem bilong ol mas wankain olsem nem long dispela Unaccampanied Minor fom. Fee mipela bai sasim yu bilong wanwan ol dispela unaccompanied minor long kalap ol yet em PNGK100.00 long ol wanwan hap ron bilong balus bilong mipela.

 

 

29. OL WAS DOK (BILONG OL AI O YAU PAS PASINDIA)

 

Sapos wanpela ai o yau pas pasindia laik ron long balus, tiket prais yu baim bai karamapim tu was dok bilong yu, sapos yu registarim dok bilong yu pinis. Taim yu bukim tiket, yu mas toksave olsem bai pasindia nidim was dok long kalap tu.

 Taim yu chek-in (sikelim kago), yu mas soim guide dog regista setifikat bilong em, kaikai bilong em, setifikat long tok was dok bilong yu i no sik na kisim olgeta sut em nidim long banisim em long sik, tok orait pepa (entry permit) long go kamap long narapela ples, na ol narapela pepe we lo bilong balus kampani o ples we yu bai go long en, i tok yu nid long soim.

I gat sampela ol narapela liklik lo we sampela taim mipela bai yusim tu, sapos mipela skelim olsem wanem, long ol lain huast bai kalap wantaim ol was dok.

 

 

 

30. OL WILCHER

 

 Sapos yu nid long kalap wantaim wilcher, tiket prais yu baim bai karamapim tu. I gat ol dispela wil cher we yu yet bai ronim wantaim han bilong yu long ples balus. Yu mas toksave long mipela taim yu bukim tiket.

 

a) Ol wilcher yu ronim long han

 

We yu nap, yu ken tok long yusim wanpela ol wilcher ol save ronim long han long go kam na kalap long balus ron bilong yu. Ol woklain long balus bai burukim na putim long hap bilong kago long balus yet. Taim yu kamap long wanem hap yu raun go long en, yu ken tok long ol woklain givim wilcher ken long yu long yusim long balus.

 

Toksave: ol wilcher we yu kisim go long sikuriti sken masin long ples balus we yu lusim long en, yu nap yusim ken long narapela hap we yu kamap long en.

Olgeta wilcher yu bai ronim long han mas fit long sais ol balus kampani i tok orait long en, bilong taim yu stretim wilcher, taim yu burukim go bek na taim yu sanapim stret. Sapos wilcher i fitim sais ol tok orait long en, tasol i no long taim ol sanapim stret, yu nap karim tasol wilcher sapos hevi bilong em aninit long 32kg na kampani we i wokim, tok orait long burukim na slipim long sait bilong em insait long balus. Sapos nogat, wilcher mas fit yet insait long sais ol balus kampani i makim pinis taim em sanap stret bilong yu burukim na karim long balus.

 

Toksave: Maski olgeta lain ken was gut long burukim na karim wilcher go kam long kalap long balus tasol, em wok bilong yu yet long kisim insurans long karim wilcher long balus.

 

b) Ol wilcher gat moto long en

 

Yu ken chek-in long ples balus wantaim ol wilcher i gat moto na ron long ol batri we i no nap kapsait bikos i gat ol gel kain batri tasol, na yu mas sikelim wantaim ol narapela kago blong yu, long bihainim ol lo blong balus kampani long karim ol samtin yu nidim we i ken kamapim hevi long balus ol i kolim dangerous goods regulations.

 

  • Yu mas rausim batri
  • Yu mas pasim gut ol koneksen bilong wanwan batri so ol no nap konekt long taim balus i ron
  • Long abrusim sot seket i kamap, yu mas pasim ol batri teminol na pasim strong long wilcher

 

Yu no nap tru kisim tok orait long kalap long balus wantaim wilcher we o gat ol kain batri I ken kapsait.

 

Yu na wasman o meri bilong yu mas lukautim ol dispela samtin:

 

  • Yu tupela mais bihainim stret dispela ol lo bilong kalap long balus wantaim wilcher i gat moto pastaim long yu sikelim kago
  • Wok bilong yu tupela yet long burukim redi long kalap long balus wantaim
  • Wok bilong yu tupela yet long stretim bek ken long yusim taim balus i kamap long wanem hap yu raun long en

 

Long bihainim tu lo bilong kampani husat mekim wilcher yu yusim long en na daunim ol kain bagarap we i ken kamap long wilcher bilong yu, olgeta elektrik wilcher, wantaim tu ol dispela we pawa save halivim long ron, maski yu burukim o nogat tasol yu mas sanapim ol stret taim yu karim long balus, noken tru silipim ol i go daun, na yu mas setim long fri wil. I gat liklik tebol stap long sekim ol sais we bai orait long karim long balus.

 

Long taim yu sikelim kago, o chek –in, ol woklain bai givim yu wanpela ol wilcher bilong ples balus, em ol kain we yu bai ronim long han, long raun insait long ples balus na go long kalap long balus wantaim. Taim yu kamap long wanem hap yu go long en, ol woklain long hap bai karim tu wanpela long ol han wilcher bilong ples balus, long kisim yu long balus i kam long hap bilong pikim kago, na yu ken senis na kalap long elektrik wilcher bilong yu yet.

 

Sais bilong wilcher we yu ken karim long Dash 8 o ATR balus, em bai kam inap long mak bikpela olsem 85cm antap bilong wilcher mas 130cm nan a longpela olsem 115cm.

 

 

 

 

31. SAPOS YU SENISIM OL BALUS RON BILONG YU

 

Sapos yu statim balus ron bilong yu pinis, so hap tiket yuy usim pinis, na namel long ron bilong yu, sampla samtin kamap we yu nid long senisim ron bilong yu, yu mas toksave hariap long mipela. Ol woklain bilong mipela bai traim long noken sasim yu moa moni long halivim yu long go hariap long neks o hap yu bai pinisim balus ron bilong yu long en.

 

 

32. TAIM OL HEVI KAMAP

 

Sapos:

 

  • Yu go long balus ron bilong yu yet na i no bilong wok
  • Sampela hevi i bin kamap na mekim hat long yu raun long balus
  • Kain tiket yu kisim yu no nap kisim bek hap o olgeta moni bilong yu

 

Mipela nap givim yu kredit bilong hap tiket we yu no nap kisim bek hap moni long en, bilong ron long balus long bihain taim, tasol yu mas:

 

  • gat tiket we yu no yusim yet
  • toksave hariap olsem sampela hevi kamap na hat long yu wokim balus ron bilong yu, na
  • givim ol pepa samting long soim olsem trutru hevi kamap long yu

 

Dispela kredit yu nap yusim bilong mekim balus ron bihain long yu stretim hevi bilong yu long wanpela ol PNG Air balus ron (o sampela balus ron we i gat CG Airline code sapos yu bin gat tiket long ron long wanpela CG balus ron). Nogut bai mipela rausim liklik moni long kredit bilong yu olsem administrasen fee bilong mipela.

 

 

33. SKEL BILONG KAGO YU NAP KARIM

 

Sampla beg yu ken karim wantaim yu long balus fri, tasol i mas long skel ol balus kampani i makim long en.

 

a) Kago yu nap karim insait long balus (ol kolim Cabin Baggage)

 

Mipela setim skel bilong kago long karim insait long balus wantaim yu na i mas:

 

  • Fit aninit long sia long poret bilong yu; o
  • Fit insait long ol olsem kapot antap long we yu sidaun insait long balus

 

Yu mas sikelim kago olsem checked baggage sapos:

 

  • Kago long karim insait long balus i bikpela moa long sais ol balus kampani makim long en
  • Kago i no nap fit long aninit long sia long poret bilong yu na insait long kapot antap long we yu sidaun insait long balus, o

we ol woklain bilong mipela skelim olsem i no seif long karim insait long balus.

 

 

 

 

Mak bilong hevi bilong kago yu nap karim insait long balus

 

Ol pasindia (no nap kauntim ol liklik pikinini niupela stret i go inap long mak olsem 2pla krismas) nap karim kago insait long dispela skel we balus kampani makim long sais na hevi olsem.

 

Kain balus                            Skel bilong sais na hevi bilong beg

 

Dash 8 na ATR                    1pla x 105cm beg na hevi bilong beg 7kg (15lbs) olgeta

 

*dispela skel em mipela addim pinis bikpela, antap na longpela bilong beg olgeta.

 

Ol beg sais

 

Longpela                              Antap bilong en                Bikpela                 Sais raunim olgeta

 

48cm (19in)                         34cm (13in)                         23cm (9in)           105cm (41in)

 

56cm (22in)                         36cm (14in)                         23cm (9in)           115cm (45in)

 

60cm (24in)                         114cm (45in)                      11cm (4in)           185cm (73in)

 

*dispela skel em mipela bungim wantaim pinis bikpela, antap na longpela bilong beg olgeta.

 

^ol liklik aninit long 2pla krismas

 

Ol beg we i abrusim mak olgeta long sais na hevi bilong ol beg long karim insait long balus

 

Sapos yu traim long karim beg we i abrusim mak olgeta long karim long balus na PNG Air painim aut, ol woklain yet bai skelim wanem samting long mekim. Ol ken tromoi lusim kago bilong yu na ol nonap toksave long yu tu. Sapos taim yu chek-in o sikelim kago, yu bin toksave long mipela olsem yu laik stret long karim dispela kago we i abrusim mak long en, em bai yu baim long karim wantaim yu.

 

b) Kago long sikelim (ol kolim Checked Baggage)

 

Nogat wanepla beg long kago bilong yu mas abrusim mak inap olsem 32kg long hevi bilong em, moa long dispela bai yu baim sampela moa beg sas, ol kolim excess baggage. Wanem beg we i abrusim olgeta mak bilong sais na hevi bilong go long balus, bai mipela salim yu go long kago ofis bilong mipela.

 

Yu mas raitim nem, adres na namba bilong balus ron bilong yu long wanwan long olgeta hap kago yu sikelim long go long balus. Yu ken askim mipela tu long putim beg ID tag long ol wanwan kago bilong yu.

 

Mipela ken karim dispela checked baggage kago bilong yu we gat spes bilong karim. Sampela taim mipela ken salim long wankain balus ron yu bai kalap long en, o mipela ken salim bihain long narapela balus ron i kam long hap yu go long en. Ol woklain bai skelim long sait bilong seifti, sikuriti na operasen bilong ol balus. Sapos yu go pas na mipela karim dispela kago bilong yu long narapela balus ron, mipela bai kam lusim long wanem hap yu makim. Yu yet bai stap long hap sapos bai i nid lo wokim kastoms kliarens.

 

 

 

Mak bilong Kago long sikelim long balus ron insait long kantri (Domestic Papua Niugini)

 

Ol pasindia (no nap kauntim ol liklik pikinini niupela stret i go inap long mak olsem 2pla krismas) ken sikelim kago insait long dispela skel we balus kampani makim long sais na hevi olsem:

 

Wanem kain tiket                                            Sais bilong kago                                                                Hevi bilong kago

 

Olgeta kain                                                         bikpela, longpela na antap                           16 kg (35lb) olgeta

                                                                                long en mas noken abrusim

                                                                                158cm (62in)

 

 

 

Olgeta tiket we yu bai go kam                    bikpela, longpela na antap                           23 kg (50lb) olgeta

long narapela kantri wantaim                     long en mas noken abrusim

mipela o narapela balus kampani                              158cm (62in)

                                                                               

 

*dispela skel em mipela addim pinis bikpela, antap na longpela bilong beg olgeta.

 

Olgeta Ron Bilong Balus

 

Antap moa long dispela mak bilong ol kago long karim, mipela no nap sasim yu long dispela ol samting long balus:

 

  • Basket bilong karim bebi

  • Wilcher o woka we bai halivim yu long wokabaut, aninit long occupational helt na seifti lo na skel bilong balus

  • Ol strolla o pram bilong bebi we yu ken burukim na karim

     

    Tingim:

     

  1. Plis toksave olsem i gat mak bilong hau mas kago balus ken karim long sampela PNG Air balus ron na sampela taim mipela bai salim kago bilong yu bihain long narapela balus ron bilong mipela.

 

  1. Bilong go long narapela kantri (ol kolim International Carriage), sapos yu bai yusim PNG Air sevis na sukuruim long narapela balus kampani long narapela kantri, i gat mak bilong kago yu ken karim. Antap moa long dispela, bai yu baim long prais bilong wanwan kilo. Long save long ol dispela prais o sas yu ken askim mipela.

 

Mipela nap tok nogat long karim kago bilong yu sapos mipela skelim olsem yu no pasim strong o long strongpela kontena o bokis.

 

Long taim bilong go, yu ken karim bebi long basket o strola o prem, i go insait long hap bilong rere long kalap long balus, ol i kolim aircraft boarding area. Bai yu burukim na putim long hap bilong putim kago. Taim yu kamap long hapsait long balus ron bilong yu, ol woklain bai givim bek dispela basket o strola o prem long yu long balus yet. Plis tingim olsem mipela nogat basket bilong bebi long ol PNG Air balus bilong mipela.

 

--------------------------------------------------------------------------------------------------------------------------------------

34. WANEM OL SAMTING I TAMBU LONG KARIM LONG BALUS

 

Mipela no nap karim, na yu mas noken ttuim wantaim kago bilong yu o traim long karim wantaim yu long balus ol kain samting olsem:

 

  • Ol samting we i tambu long karim long balus, aninit long lo bilong kantri na narapela hap long wel tu.
  • Ol kain gan (ritim long namba 38 bilong dispela toksave)) na ol samting bilong pait, wantaim tu ol naip, na sap resa samting
  • Ol samting we i ken kamapim birua olsem: kompres gas (we i nap o no nap lite, posin, olsem refrigerants, butane, oxygen, propane na aqualung sylinda), ol samting we i nap kukim ol narapela samting olsem (ol acid, ol alkali, mercury na wet cell batri), ol samting we i ken pairap ( ol samting bilong pait, ol katres, na ol masin bilong ol, paura bilong paiaweks na ol fler, ol wara o narapela kain samting we paia ken kirap (olsem gas o palang masis, tin pen, ol petrol, disil,bensin), ol samting we sik i ken kalap (ol vairas, ol sampela binatang we i nap kamapim kain kain sik), ol posin samting (ol marasin bilong kilim indai ol binatang o marasin bilong kilim indai gras nogut), na ol narapela strongpela marasin olsem bleach.
  • Ol samting sapos i luk olsem nogut bai kamapim bagarap, we lo bilong International Civil Aviation Organisation (ICAO) Technical Instructions for the Safe Transport of Dangerous Goods Regulations i toktok long ol. Yu ken askim ol woklain bilong mipela long kisim moa toksave
  • Ol samting we mipela yet i skelim olsem mipela no nap tru long karim bikos mipela lukim olsem bagarap i ken kamap long sait bilong wanem samting insait long bokis yu pakim long en o sampela taim sais na hevi bilong dispel kago tu
  • Ol wel abus olsem pik, dok, bulamakau, pusi, pato na kakaruk nabaut (sapos yu bihainim liklik hap toktok long namba 29 bilong dispela toksave)

 

Sapos mipela painim aut olsem yu karim wanpela long dispela ol samting lo i tambuim, mipela yet bai skelim wanem samting long mekim save long yu, mipela no nap toksave long yu tu sapos mipela rausim toromoi olgeta dispela kago tambu long en.

Em i no wok o wari bilong mipela long lukluk long dispela kago bilong yu we lo i tambuim, sapos I bagarap o lus olgeta bikos lo i tambuim na yu karim kam yet long balus.

 

 

35. LO BILONG OL KAGO WE YU BAI SIKELIM

 

Yu mas noken tru putim long kago bilong sikelim go long balus, ol dispela kain samting:

 

  • Ol samting we isi long buruk o sting hariap

  • Ol komputa

  • Ol kamera

  • Ol pawa samting bilong pilaim music olsem ol CD

  • Moni bilong yu, ol bilas olsem ring bilong pinga na yau, nekles nabaut, na ol narapela samting we pei i antap tumas

  • Ol spesol pepa olsem setifikat , o sikuriti pepa bilong spesol samting yu karim,

  • Ol pepa bilong bisnis wok bilong yu

  • Ol paspot na ol pepa bilong kalap long narapela balus go long narapela kantri o ples bilong silip taim yu kamap

  • Marasin, ai glass, we yu nidim na nogut hap yu go long en bai hat long yu kisim niupela ken

Bikos i gat mak long wanem samting mipela sapos long lukautim, maski yu toksave long mipela o nogat long karim ol dispela kain samting long wanpela balus ron bilong mipela, taim dispela tambu samting yu kalap wantaim i bagarap, lus olgeta o kamap bihain long narapela balus ron, em bai wari bilong yu yet, bikos yu no bihainim dispela lo. Ol dispela kain samting yu sapos long putim wantaim beg yu bai karim go sidaun long balus wantaim (ol kolim cabin baggage) tasol tingim long bihainim tu mak bilong sais na hevi bilong dispela kago long karim go insait long balus wantaim yu.

 

 

36. LO BILONG KAGO YU BAI KARIM WANTAIM YU

 

Wanem kain kago yu bai karim wantaim insait long balus, ol kolim cabin baggage, mas bihainim mak bilong sais na hevi we I gat tok orait long en. Tambu tru long putim ol dispela kain samting wantaim kago long karim wantaim yu long balus:

 

  • Ol kain naip, sap resa o ain samting maski liklik o bikpela o bilong samap o pilai spots tu. Yu mas pekim ol gut tru na putim wantaim ol kago long sikelim. Pasindia karim ol kain nil (nidol) yu mas toksave taim yu kamap long masin bilong kisim piksa o skenim ol beg. Wanem marasin yu nid long karim wantaim yu mas gat ol stika bilong haus sik o kemist we nem bilong yu, nem bilong marasin, kampani husat i mekim dispela marasin stap ples klia long en.
  • Wanem ol narapela samting we tiket bilong yu i soim olsem oi tambu long karim long balus insait long cabin baggage o kago we yu bai karim wantaim go insait long balus
  • Wanem kago we i abrusim skel mipela makim i orait bilong yu long karim, we tu i bihainim wanem kain tiket yu baim long en

 

Sapos yu no bihainim dispela toksave long lo bilong ol kago we yu i nap long karim wantaim yu long balus, mipela ken rausim long yu na tok nogat stret long karim long balus ron bilong mipela, o mipela ken tokim yu long sikelim na putim long kago bilong balus, olsem checked baggage.

 

Na sapos mipela tok nogat long karim ol dispela kain kago olsem cabin baggage, we yu bai karim wantaim long balus, na tu yu no sikelim olsem checked baggage lo go long kago hap, sapos i bagarap, lus olgeta o wanem samting rong kamap em bai wari bilong yu yet, i no mipela.

 

Long strongim sait bilong seifti, i gat sampela liklik lo bilong karim ol samting olsem wara perfume, spray o jel long ol balus ron i go na kam long Australia. Sapos yu bai stap liklik weitim taim na kalap long narapela balus ron ken i go long narapela kantri, yu bai stil bihainim dispela lo tu. Yumi nidim ol dispela ol niupela lo long banisim yu long wanem hevi ken kamap long ol sampela kain wara we i ken pairap na kirapim paia. Yu ken karim liklik wara perfume, spray o jel long beg bilong karim raun, tasol i mas stap insait long mak bilong 100 mililita/gram. Yu mas pasim strong wanem kontena yu putim ol long en, na mas sais i go inap long wan lita plastik na ples klia we isi long luksave wanem samting yu karim insait. Skel bilong wanwan pasindia em wanpela wan lita plastic tasol. Tingim tu ol dispela beg o kontena mas isi long yu opim na pasim bek strong ken. I tambu long pasim gut kontena bilong ol dispela kain samting wantaim stiki tep, ruba bend o hap laplap, sapos mipela painim bai mipela rausim long yu.

 

Em i orait long karim ol marasin we yu baim wantem pep dokta o haus sik i raitim (ol kolim prescription medicine). Ol krim na paura samting bilong ol bebi na ol narapela marasin we yu baim tasol long stoa o kemist, em orait tu long karim wantaim yu, tasol long sait bilong ol narapela marasin, sampela taim bai mipela askim yu long soim long wanem as yu nid long karim wantaim yu.

 

Taim yu go kamap long masin bilong kisim piksa o skenim ol beg bilong yu, yu mas givim ol woklain ol liklik wara perfume, spray o jel we i antap moa long skel bilong wanwan pasindia long karim (mas noken abrusim 100ml/g), dispela toktok karamapim tu wanem samting yu baim long duty free. Aninit tu long dispela ol niupela lo, ol woklain ken sekim yu yet tu, olsem hap bilong skelim yu burukim lo o nogat (ol kolim screening process).

 

 

37. SAPOS KAGO I ABRUSIM MAK

 

Yu no nap karim kago we i antap moa long skel bilong tiket yu baim (ol kolim excess baggage). Sapos hap kago bilong yu i antap moa long mak bilong tiket yu baim long en, mipela ken:

 

 

  • tok nogat olgeta long karim dispela kago we i antap moa long mak, o
  • tok orait long kisim dispela kago we i antap moa long mak (tasol mipela ken stil tok nogat), na yu bai peim sampela moa moni long putim long wankain balus ron yet, o
  • karim dispela kago we abrusim mak bilong tiket yu holim, long narapela balus ron we bai kamap bihain taim, long hap yu go long en. Em tu bai yu peim sampela moni ken bilong mipela salim dispela kago bihain, na nem bilong ples long salim long en bai stap long stika long beg. Wok bilong mipela bilong salim kam long balus na yu yet pasindia bai go pikim long ples balus long hapsait, wantaim tu ol narapela samting bai yu baim long en.

 

Sapos mipela tok orait long karim dispela narapela kago bilong yu we I antap moa long mak bilong tiket yu holim, na yu no baim, sapos yu bai senisim balus na go moa yet long narapela ol ples, ol ken sasim yu long karim dispela (excess baggage) kago long putim long narapela balus. Ol narapela balus kampani ken sasim yu.

 

 

 

38. OL SAMTING BILONG PAIT

 

Mipela ken tok orait long larim yu karim gan na katres, yu bai pekim gut pasim strong na sikelim, long bihainim ol lo bilong kantri na intanasenal lo tu bilong ol balus kampani, olsem checked baggage. Mipela gat rait long orait o nogat. Wankain taim tu, yu mas soim originol o fest kopi, o narapela kopi bilong gan lisens we wanpela Commissioner of Oaths i raitim nem na putim mak long soim olsem em i stret na trupela lisens bilong yu. Bai gat sampela narapela ol pepa bilong PNG Air, na gavaman na nambawan ofis bilong ol ples balus, long pulamapim tu. Yu stretim ol dispela pepa nau mipela ken salim gan na katres, we yu pekim gut na pasim strong pinis, long kago olsem checked baggage. Tambu tru long yu karim wantaim go insait long balus, olsem cabin baggage.

 

39. OL ABUS (ANIMOL)

 

Ol was dok bilong ol ai pas lain (ol kolim ol guide dog) kisim moa stori long ol was dok long namba 29 bilong dispela toksave. Long sait bilong ol femili dok, pusi o pisin (yu nap sikelim na karim long balus olsem checked baggage, tamblo em stori bilong wanem samting i tambu). Ol narapela abus o animol yu mas salim ol olsem freight long kago seksen bilong mipela. Em orait long yu karim ol abus o animol long balus insait long PNG tasol (domestik) yu no tambu stret long karim ol long ol PNG Air balus ron I go long ol narapela kantri (intenesenol).

 

Sapos yu bai kalap long domestic o intenesenol ron bilong balus:

 

  • yu mas toksave long mipela taim yu bukim tiket olsem yu laik karim abus o animol wantaim yu. Sampela ples balus bai tokim yu long salim long freight sevis, na sampela bai tok orait long yu sikelim olsem wanpela hap kago (checked baggae) na em bai kalap long wankain balus ron wantaim yu long hap bilong kago aninit long balus

  • mipela bai sikelim ol seifti samting i stret aninit long lo bilong karim ol abus o animol long kago hap aninit long balus, olsem yu mas karim tu krate bilong putim em long en, wantaim kaikai bilong givim em. Sapos nogat, mipela nap tok nogat olgeta long yu

  • yu mas redi tu long peim excess baggage fee na soim ol helt pepa na setifikat na ol woklain ken lukim olsem abus o animol bilong yu i kisim banis sut na ol marasin , wantaim entry, transit na exit permit na ol narapela pepa bilong ol narapela kantri o ples yu go, stap liklik na kam bek long en, long bihainim wanem kain ol lo toktok bilong dispela ol ples

  • sapos abus o animol bilong yu I kam aninit long lo bilong Australia o New Zealand o intesenol lo, em bai orait sapos namel long balus ron, i kisim bagarap, o i lus, em sik o dai, bikos mipela bai no nap karim dispela hevi. Sapos yu ken soim olsem hevi long abus o animol bilong yu i kamap bikos mipela asua na no wokim wok stret, long hap nau mipela ken halivim yu

  • em bai asua bilong yu yet sapos abus o animol bilong yu i lus bikos yu no gat ol helt pepa na setifikat long soim ol woklain olsem em kisim banis sut na stap orait. Yu mas soim tu entry permit, transit permit, exit permit Na ol narapela pepa yu nid long pulamapim bilong abus o animol bilong yu. Yu mas bekim moni bilong mipela wanem ol fee o sas long stretim wanem mipela baim o lusim, bikos yu no stretim dispela ol pepa na setifikat.

 

Sampela taim antap moa long wanem mipela tok long stretim bilong karim abus o animol bilong yu, bai mipela askim yu long stretim sampela narapela samting tu

 

 

40. WANEM OL SAMTING MIPELA KEN SEKIM

 

PNG Air, gavaman na ol woklain bilong ples balus stret ken:

 

  • tokim yu long larim mipela sekim ol kolos na bodi bilong yu

  • tokim yu long larim mipela sekim ol bek bilong yu

  • yu ken stap na mipela ol bek bilong yu o mipela ken sekim nating tu

 

Bihain long mipela sekim ol bek bilong yu, o yu yet les na tok strong long mipela noken sekimm ol bek bilong yu, mipela gat rait long tok nogat long karim yu na ol bek bilong yu long balus. Na tu mipela ken givim ol bek bilong yu long ol woklain bilong gavaman o ples balus stret.

 

Sapos wok bilong sekim yu na ol bek bilong yu i kam aninit long wanpela hap bilong bikpela lo ol kolim Convention o ol narapela lo lukautim ol balus, mipela no nap karim hevi taim yu kisim sampela kain bagarap, o ol bek bilong yu bagarap liklik taim mipela sekim o skenim (kisim piksa) long masin. Mipela bai karim hevi tasol, taim yu nap soim olsem mipela yet asua na i no wokim gut wok taim mipela sekim yu na ol bek bilong yu.

 

41. TAIM YU CHEK IN

 

Bilong ol balus ron insait long kantri tasol (ol kolim domestic) yu mas karim pepa tiket o kopi bilong elektronik tiket (e-tiket) bilong yu, ol bek na wanem ol narapela samting yu laik karim tu long balus. Na soim long ol woklain bilong mipela long kaunta insait long ples balus.

 

Taim yu chek in long balus ron bilong yu, mipela bai givim yu bodin pas na sekim ol bek bilong yu na putim bek ID stika long wanem bek bai go long kago. Holim gut ol dispela samting inap long pinis bilong ron bilong balus long pikim bek bilong yu long hap sait ples balus.

 

 

42. TAIM OL MAKIM BILONG CHEK IN

 

Orait taim bilong chek in long balus ron bilong yu, em tupela aua bifo balus ron bai kirap. Yu mas chek in insait long fest aua bilong dispela tupela, bikos las aua nau mipela bai pasim na no nap sevim ol kastoma. Sapos yu abrusim dispela taim, na kamap insait long namba tu aua we mipela pasim dispela balus ron, o yu popaia olgeta (ol kolim no show) yu ken ritim moa toksave long namba 43, neks hap toktok long dispela toksave.

 

Yu mas:

 

  • chek in bifo taim pinis na mipela pasim balus ron bilong yu long pinisim wok bilong balus i rere long go

  • stap long bodin hap na rere long go kalap long balus insait long taim ol woklain tokim yu taim yu chek in

 

 

43. SAPOS YU LEIT O NO KALAP LONG BALUS RON

 

Sapos yu kamap:

 

  • leit long chek in o chek in olrait tasol yu leit long kamap long bodin hap long kalap long balus

  • na yu no karim tiket na ol pepa yu nidim long kalap long balus

 

Mipela inap:

 

  • rausim o kenselim bukin bilong yu na/o

  • tok nogat stret long yu long kalap yet long balus

  • surukim na stretim bukin bilong yu long kalap long narapela balus ron, na yu bai peim sampela moni ken

 

Tasol sapos bikpela mama Convention lo o sampela narapela lo i karamapim yu, yu bai orait yet long kisim halivim sapos wanpela samting bilong yu i bagarap o lus olgeta bikos yu kamap leit. Mipela no nap karim dispela hevi bilong yu.

 

Sapos yu kamap leit long chek in o chek in olrait tasol abrusim taim na no kalap long balus o yu popaia na no kamap liklik long ples balus, em bai yu lusim moni yu baim tiket (ol kolim fare) long en. I gat wanwan kain fare tiket we yu bai orait yet long senisim (em bai ol putim ol liklik toktok long tiket bukin bilong yu, ol kolim terms and conditions)

 

 

 

44. LO ASKIM LONG SIT NAMBA NA KISIM

 

Bilong olgeta PNG Air balus ron, mipela bai givim wanwan pasindia sit namba long sidaun insait long balus. Yu nap askim sapos igat sit namba yu laik stret long sidaun long en, taim yu bukim tiket o, enitaim bifo balus I kirap. Ol woklain bai traim long bihainim askim bilong yu na givim sit namba yuu askim long en, tasol sampela tai mem bai hat long bihainim laik bilong yu. Mipela nap senisim enitaim, insait long balus tu, tasol em bai sapos ol woklain lukim olsem ol nid long mekim senis long sait bilong seifti, sikuriti na wok bilong ronim balus.

 

Sapos I gat as bilong askim yu long suruk go na sidaun long narapela sia o sit namba (ol kolim downgrade), mipela bai:

 

  • givim bek hap tiket moni bilong yu, o

  • surukim yu go kalap long narapela balus ron bilong mipela

 

 

45. TAIM BILONG OL BALUS LONG RON

 

  1. Taim long tiket nap senis namel long die yu baim na dei bilong ron. Mipela no nap tok promis long taim bilong ol balus ron na ino stap tu long kontrakt yu gat wantaim mipela long kalap.

     

  2. Bifo mipela o agent mipela makim long en mekim bukin bilong yu, bai mipela toksave long taim blong dispela balus ron long kirap na kamap, em bai stap tu long tiket o ol kolim itinery wantaim risit bilong yu. Sampela taim mipela bai nid long senisim taim ken bilong balus ron, bihain long yu kisim pinis tiket. Sapos yu bin givim mipela o agent bilong mipela ol fone namba o email adres long kontakt, mipela o ol bai nap toksave long dispela ol senis. Long dispela as, bifo balus ron bilong yu I kirap, yu mas askim ol woklain ken. Long ples balus yu mas sekim wanem taim bilong balus i kirap (ol kolim flight departure) na wanem taim em bai kamap long hap yu bai go long en (ol kolim flight arrival). Mipela no nap karim hevi bilong yu sapos wanpela samting bilong yu i lus na taim bilong go kam bilong balus ron i senis na yu no sekim. Tasol sapos balus ron bilong yu kam aninit long bikpela intenesenol lo Convention o wanpela narapela lo, yu bai nap kisim halivim.

     

  3. Sapos mipela mekim bikpela senis lo taim bilong balus ron long kirap bihain long yu baim tiket:

     

  • Na yu no wanbel wantaim dispela senis , na

  • Miplea o agent bilong mipela no nap bukim yu long narapela balus ron yu laikim

Long dispela hap, mipela bai givim bek tiket moni bilong yu (maski prais bilong tiket yu baim I antapmoa long administrasen fee mipela save sasim) o putim hap tiket moni olsenm kredit bilong yu long usim taim yu laik kalap long wanpela balus ron wantaim mipela bihain taim.

46. OL BALUS RON WE I LEIT O KENSOL (I NO SAPOS MIPELA HAT OLGETA)

 Mipela bai wokim olgeta samting long karim yu na kago bilong yu long taim mipela makim long tiket, na traim olgeta taim long bihainim stret na noken leit. Mipela bai wok hat long lukim ol balus ron long taim na noken kensol, sapos dispela hevi kamap, mipela bai lukluk long stretim ol pasindia long go wantaim narapela balus kampanina/o narapela balus husat bai wokim dispela ron bilong mipela.

Mipela no nap halivim olsem sapos:

  • Hap bilong bikpela intenesenol lo Convention o we narapela lo tu kam insait, o

  • As bilong balus ron I kensol mipela no nap stopim tu (olsem ples I bagarap, ples balus I bagarap o nogat lain long ples balus long bosim balus)

Sapos mipela:

  • Kensolim ron bilong balus

  • Asua long go kamap long hap yu laik go daun long en, o hap yu laik stap wan nite long en

Yu nap bihainim wanpela long dispela tingting:

Namba wan tingting – mipela nap karim yu long neks balus ron we I gat spes na yu no nap baim ken, na olsem wanem bai mipela surukim taim long usim tiket tu.

Namba tu tingting – mipela bai bihainim ol liklik lo bilong tiket yu baim na olsem wanem givim bek hap moni bilong yu sapos I tok long en

Toktok long wanem santing yu nap mekim wantaim ol kainkain tiket yu baim long mipela I stap long namba 48 na 49 long dispela toksave, na mipela no nap mekim samting antap moa long wanem stap long dispela seksen. Sapos bikpela intenesenol lo Convention na sampela narapela lo kam insait long balus ron bilong yu, long dispela hap tasol bai mipela ken givim moa halivim long yu.

 

47. TAIM BALUS RON I LEIT O KENSOL NA MIPELA NO NAP ABRUSIM

Sapos sampela samting kamap we mipela yet hat long stopim na long dispela as wanpela ron bilong balus bai leit o kensol olgeta, yu chek in oinis o nogat, mipela bai traim long halivim yu long kamap long hap yu laik go long en, o neks hap long go wetim narapela ron bilong balus long go kamap long ples yu laik go long en. Tasol mipela no nap givim bek hap tiket moni we kain tiket yu baim nogat wei long kisim bek moni. Mipela bai baim tasol wanem ol samting namba 48 na namba 49 toktok long bikpela lo Convention, o ol narapela lo mipela kam aninit long en, I tok long mipelaq baim bilong yu. Ol narapela samting yu laik kisim o mekim arasait long dispela ol lo, em bai yu yet baim.

 

 

48. DISRUPT POLISY NA HAP BILONG SILIP SAPOS RON BILONG BALUS I LEIT, GO LONG NARAPELA HAP O KENSOL

Sapos dispela kain hevi i kamap, PNG Air bai usim disrupt polisy, we mipela bai baim ples bilong silip. Kar bilong karim ol pasindia long ples balus i go long ples bilong silip, na givim moni mak bilong kaikai.

 

Long dispela namba 48 toktok, PNG Air bai baim ples bilong silip :

  1. Sapos pasindia long wanpela ron bilong balus bilong PNG Air i kamap long narapela hap olgeta long we em bin baim tiket lo go long en, (na dispela dei stret pasindia no nap kamap long hap em baim tiket long en). Tasol PNG Air no nap stretim ples bilong pasindia long silip sapos taim mipela salim balus go long narapela hap nay u yet laik go daun olgeta long ples balus long dispela narapela hap; o

  2. Sapos balus i no kirap long dei ol maikm na stap long tiket, na pasindia kalap mekim fest hap long balus ron bilong em wantaim mipela PNG Air yet na usim wankain tiket we harapela hap balus ron bilong we I kensol o leit stap tu long tiket we em kamap wantaim, o

  3. Sapos olgeta pasindia kalap na balus lusim hap we em bin sanap I go long rere long kirap na tanim kam bek ken na ol surukim taim bilong ron bilong balus o kensolim olgeta bilong dispela dei

    Long tok klia moa :

     

  1. PNG Air bai no nap stretim ples bilong silip sapos pasindia i no statim yet fest hap balus ron bilong em; na

  2. PNG Air bai no nap stretim ples bilong silip sapos ron bilong balus bai ron yet long dispela dei, na mipela surukim taim bilong balus kirap

     

    Kain olsem:

     

  1. PNG Air bai stretim ples bilong silip sapos pasindia kalap long wanpela PNG Air balus ron long narapela hap na kam long Mosbi, na bai sukuruim moa yet go long narapela ples ken, maski em stap sampela dei long Mosbi pinis bifo em lusim Mosbi na go moa yet long narapela hap ken long sevis bilong mipela long dispela wanpela tiket, na dispela las hap long balus ron bilong em i kensol

  2. PNG Air bai no nap stretim ples bilong silip we fes hap bilong ron bilong balus bai stat long Mosbi na ron bilong balus em leit o kensol long Mosbi yet, maski

  • Yu chek aut pinis lusim hotel long Mosbi; o

  • Yu no save stap long Mosbi; o

  • Yu kalap wantaim narapela balus kampani (olsem Air Niugini, Qanta, Virgin Australia) na bai sukuruim balus ron I go moa yet long narapela hap wantaim mipela long dispela wanpela tiket bukin

     

    Antap moa long dispela, PNG Air bai no nap baim wanpela moni sapos sampela samting bilong yu I lus, dai kamap o yu kisim sampela kain bagarap bikos long hevi kamap long painim hap bilong silip, kar long go kam long ples balus o sampela narapela sevis we narapela lain save makim PNG Air na wokim.

     

 

49. LONG SAIT BILONG STRETIM WEI LONG GO SAPOS YU MISIM KONEKSEN RON BILONG BALUS

 

Sapos yu misim wanpela ron bilong PNG Air bikos narapela balus ron yu bai kisim kam long konek long sevis bilong mipela i no kamap hariap long hap yu stap long en:

 

  1. Na balus yu sapos long kalap kam long en i bilong narapela balus kampani (olsem Air Niugini, Qantas, Virgin Australia) PNG Air I no nap karim hevi long stretim yu long kalap long balus;

  2. Sapos yu buk long kalap wantaim PNG Air yet na taim bilong dispela ron i suruk na wokim yu misim balus ron bilong yu long sukuruim moa yet go long narapela hap, PNG Air bai painim spes long karim yu go long neks balus ron go long hap yu laik go long en

 

Na tu PNG Air no nap halivim yu sapos yu misim balus ron bilong yu wantaim narapela balus kampani (olsem Air Niugini, Qantas, Virgin Australia) bikos yu kalap long wanpela PNG Air balus ron we i leit na neks balus yu nid long kalap long en i go pinis.

 

 

50. HAU MIPELA NAP TOK NOGAT LONG YU LONG KALAP

 

Maski yu gat tiket pinis na bukin bilong yu I konfem, mipela no nap long karim yu na kago bilong yu, sapos wanpela long ol kain samting i kamap, o mipela gat stronpela tingting ol kain samting ken kamap:

 

  • Sapos yu o kago bilong yu nap bagarapim seifti bilong balus na ol pasindia

  • Sapos yu o kago bilong yu nap bagarapim sidaun bilong ol narapela pasindia

  • Sapos mipela bai burukim lo bilong gavaman, o sampela narapela kain lo o oda long wanpela kantri yu laik lusim o go long en

  • Bikos yu les long mipela wokim sikuriti sek long yu na kago bilong yu

  • Bikos i luk olsem ol pepa bilong yu I no stret long kalap long balus

  • Sapos yu no bihainim gut wanpela ol lo o oda bilong dispela Conditions of Carriage(dispela I minim olsem ol samting yu mas gat o bihainim long mipela tok orait long kalap long balus)

  • Sapos yu no pinisim chek in bifo long taim pinis na mipela pasim o o yu no kamap long bodin gate insait long taim ol givim yu long kalap long balus

  • Bikos yu no bihainim toksave long sait bilong seifti o sikuriti o toktok bilong ol woklain bilong mipela long ples balus o insait long balus

  • Bikos yu no gat medikol chek up pepa bilong dokta o haus sik

  • Bikos yu nidim spesol kain halivim na yu no stretim toktok wantaim mipela bifo long ron bilong balus

  • Sapos yu spak o yu dring o kisim sampela kain marasin nogut. Sapos mipela gat strongpela tingting olsem yu spak, mipela gat rait long testim yu, na yu mas tok orait. Sapos yu les long wokim BAC test, mipela bai rausim yu na kago bilong yu kwik taim tru. Sapos test soim 0.06 BAC o moa, mipela bai no nap tru karim yu na kago bilong yu long balus

  • Sapos yu karim sampela kain marasin nogut we i burukim lo, na mipela gat strongpela tingting olsem yu karim

  • Sapos hau yu toktok o wokabaut I luk olsem I ken kamapim birua wantaim ron bilong balus o ol narapela pasindia

  • Sapos I luk olsem tingting bilong yu I no stret na hau yu wokabaut mekim ol samting ken bagarapim seifti bilong yu yet, ol narapela lain o balus tu

  • Sapos yu tok nogut, belhat na tromoi kainkain toktok na mekim nabaut long ol woklain bilong mipela insait long ples balus o insait long balus stret

  • Sapos yu bin burukim lo long taim bilong (chek in) sikelim kago o taim bilong bodin na kalap long balus o insait long balus

  • Sapos yu minim long wokim nabaut long ol woklain bilong mipela long ples balus o insait long balus stret na ol no wokim gut wok bilong ol

  • Sapos samting yu mekim ken kamapim bagarap long balus o ol narapela lain

  • Sapos yu mekim wanpela kain strongpela toktok long bagarapim wanpela narapela o kampani

  • Bikos yu gat rekot long bikhet long wanpela PNG Air ron bilong balus bifo na mipela skelim olsem yu nap wokim ken

  • Bikos yu no gat samting long soim olsem yu tasol dispela man o meri we nem I stap long tiket yu laik usim long kalap wantaim

  • Bikos yu no kisim tok orait long mipela na mixim hau yu usim ol hap pepa (flight coupon) long tiket bilong yu

  • Sapos yu burukim o bagarapim ol pepa samting bilong kalap long balus namel long balus ron bilong yu

  • Sapos yu les long larim mipela kisim kopi bilong ol pepa samting bilong balus ron bilong yu

  • Sapos yu les long givim ol woklain bilong mipela long ples balus o insait long balus stret ol pepa samting bilong balus ron bilong yu, taim ol askim yu

  • Sapos yu no kisim tok orait long ol rait gavaman ofis long go kamap long wanpela kantri balus I kamap long en olsem pasindia long go daun olgeta o stap liklik na weit long sukuruim moa yet ron long narapela balus ron ken

  • Bikos tiket bilong yu: ol I no baim – sampela lain ripotim pinis olsem I lus o ol I stilim – yupela yet senisim tiket – yu burukim lo long kisim tiket bilong yu – yu no kisim tiket long mipela o wanpela agent mipela makim long en – yu yet senisim wanpela hap long tiket we mipela o wanpela agent bilong mipela I no save long en – yu no lukautim tiket bilong yu na wanpela hap i buruk o sampela kain bagarap kamap long en o yu traim long senisim, o – I no trutru tiket o taim bilong usim I pinis

 

Taim wanpela long dispela ol kain samting I kamap, mipela nap rausim yu long ron bilong balus, maski yu go sidaun pinis insait tu, na wankain taim rausim o kensolim bukin bilong balus ron bilong yu long tiket

 

 

51. LONG TOKSAVE OLSEM MIPELA NO NAP KARIM YU LONG BALUS

 

 Mipela bai gat rait long tok nogat long karim yu o kago bilong yu, sapos mipela givim pas pinis long toksave olsem mipela bai no nap tru karim long wanpela balus ron bilong mipela. Dispela pas bai stori moa olsem taim ol tambuim yu long en na askim yu long noken baim tiket o tokim wanpela long kisim bilong yu. Sapos yu go kam long balus namel long dispela taim ol raitim long pas, mipela bait ok nogat long yu long kalap na givim bek hap tiket moni bilong yu. Mipela bai rausim toasl hap long tiket moni long karamapim ol administrasen sas bilong mipela.

 

 

52. TAIM MIPELA KISIM BUKIN ANTAP MOA LONG MAK BILONG BALUS LONG GO KAM LONG NARAPELA KANTRI – NOGAT BODIN KOMPENSASEN

 

Sapos mipela tok nogat long yu long kalap long wanpela ron bilong balus we namba bilong bukin I abrusim mak, (ol kolim overbooked) na bukin bilong yu konfem, yu holim tiket na sikelim kago (chek in) pinis, tasol mipel;a bai lukluk long hap taim namel long taim ol makim bilong yu long kamap na taim yu kamap stret long en, na nogut mipela bai givim bek hap moni bilong yu.

 

I gat tupela wei:

 

  • Bai mipela skelim wanem ol liklik lo mipela nap usim, o

  • Sapos I nogat liklik lo, mipela gat polisy bilong kompensasen bilong ol lain mipela no larim long kalap long balus, ritim toktok long denied boarding compensation polisy insait long dipela toksave

 

 

53. BIHAINIM OL TOKSAVE

 

Long kisim nambawan sevis na sidaun bilong ol pasindia bai olrait tasol, wantaim seifti na sikuriti, yu mas bihainim wanem ol samting mipela toksave yu nid long gat o wokim, na tu toktok bilong ol woklain insait long balus tu, taim yu kalap:

 

  • Putim gut bek bilong yu aninit long sia long poret bilong yu o long liklik kapot antap long we yu sidaun (ol kolim overhead locker)

  • Lukaut taim yu opim liklik kapot long rausim bek bikos sampela taim ol suruk nabaut taim balus i ron

  • Noken rausim sialet taim yu sidaun

  • Olgeta taim sidaun na noken rausim sialet namel long taim balus bungim taim nogut (ol kolim turbulence)

  • Sidaun tasol, long taim balus I ron long kolta long ples balus rere long kirap o tai mem kamap pinis na ron isisi long go long hap we ol pasindia bai go daun

  • Tambu tru long simuk

  • Sapos yu dring sampela kain strongpela dring bifo yu kam kalap, dring liklik long skel na insait yu nap dring long wanem mipela gat long sevim long ron bilong balus, yu no nap karim bilong yu yet kam dring long balus

  • Usim ol kain sialet samting mipela gat bilong ol liklik pikinini long usim

  • Stap isi na noken mekim nabaut we ol narapela pasindia bai les na autim bel heevi bilong ol, na spos wanpela ol woklain askiim yu long paspot na ol narapela pepa bilong balus ron bilong yu, bilong putim gut tasol inap balus I kamap long hapsait na ol bai givim bek long yu

 

Sampela taim nogut bai mipela askim yu long noken onim ol kain samting we i save usim pawa olsem ol mobile fone, ol liklik laptop komputa, ol redio, ol samting bilong pilai CD music, elektronik game, laser o 2 wei redio, o ol game o toys bilong ol pikinini we I gat kontrol long usim, ol dispela kain samting ken bagarapim wok bilong ol woklain ronim balus. Sapos yu no harim tok. Mipela ken rausim long yu na putim gut inap balus I kamap long hapsait. Ol samting yu nidim stret olsem ol samting long yau bilong ol yau pas lain long halivim ol long harim gut na o lol masin bilong ol siklain gat sik long leva bilong ol (ol kolim heaert pacemakers), em olrait long yusim na mipela no nap rausim long yu.

 

 

54. LONG LUKAUTIM OL PASINDIA

 

Mipela bai wokim olgeta samting mipela nap mekim, bilong lukim gutpela sidaun bilong ol pasindia, na ol go kam gut na strongpela sikuriti tu. Sapos mipela lukim olsem wanem, mipela bai stoppim yu o rausim yu olgeta long kalap long wanem hap we mipela lukim yu mekim wanpela long dispela ol samting:

 

  • Yu mekim nabaut na nap kamapim hevi long balus o ol narapela pasindia long balus

  • Yu pasim o no nap bihainim toktok bilong ol woklain insait long balus

  • Yu mekim nabaut na hatim bel bilong ol narapela pasindia long wokim ol autim bel hevi bilong ol

  • Yu pasim wanpela woklain insait long balus namel long em laik mekim wok bilong em

  • Yu holim o mekim nabaut long ol samting bilong balus o ol masin insait

 

Antap moa long dispela, mipela ken pasim yu long kalap moa long wanpela ron bilong balus bilong PNG Air long bihain taim tu. Sampela taim mipela ken kotim yu bilong wanem rong yu mekim insait long balus.

 

55. TAIM BALUS GO KAMAP LONG NARAPELA HAP BIKOS WANPELA PASINDIA I BIKHET  LONG BALUS

 

Sapos wanpela pasindia i mekim nabaut insait long balus, namel long ron bilong balus, mipela bai tanim na go kamap long wanem narapela hap I stap klostu long rausim dispela ol pasindia husat I wok long bikhet na bagarapim sidaun bilong ol narapela pasindia na woklain. Wankain taim tu yu bai peim hap moni ken kam long mipela bikos balus I tanim go kamap long narapela hap olgeta we I no sapos long go kamap long en (dispela moni yu bai peim ol kolim diversion costs).

 

 

56. TAMBU TRU LONG KAIKAI BUAI NA SIMUK

 

Em I tambu tru long kaikai buai o simuk long olgeta balus bilong mipela.

 

 

57. LONG KISIM OL KAGO YU SIKELIM GO LONG BALUS (CHECKED BAGGAGE)

 

Yu mas sanap weitim ol woklain long rausim ol kago long balus, na yu yet bai luksave na kisim kago bilong yu taim ol salim kam autside.

 

 

58. SAPOS YU NO PAINIM KAGO BILONG YU

 

Sapos yu no nap lukim o painim kago bilong yu, yu mas soim tiket wantaim ol stika bilong luksave long bek (ol kolim baggage identification tag) long ol woklain bilong mipela. Husait pasindia stret I bin kisim dispela ol stika bilong luksave long bek, nap kam long kisim kago. Mipla no nap karim hevi bilong wanpela hap kago i lus na yu laik toktok bihain long yu lusim ples balus pinis. Yu mas toksave pastaim long PNG Air traffic ofis o agent mipela makim long en, na pulamapim wanpela pepa , ol kolim claim form, bifo yu lusim dispela hap bilong kisim kago. Long dispela fom bai yu raitim ol samting olsem wanem dei, long wanem taim I kamap, na nem bilong pasindia na em yet bai sainim na nem bilong woklain bilong mipela o agent long luksave olsem em trupela fom pasindia I givim.

 

 

 

59. LONG PNG AIR LUSIM OL KAGO I GO

 

Sapos mipela gat sampela hap kago we yu tok em bilong yu tasol yu nogat stika bilong luksave long bek (ol kolim baggage identification tag), mipela nap larim yu kisim yet sapos:

 

  • Soim ol narapela pepa long mipela bilip olsem trutru em kago bilong yu

  • Yu raitim pas long tok olsem yu bai givim hap moni bek long mipela bilong karamapim hau maus moni mipela lusim long dispela kago I lus o bagarap o long lusim kago kam long yu

  • Bihainim wanem ol toksave mipela givim yu

 

 

60. PNG AIR BAI MEKIM WANEM LONG KAGO YU NO KAM KISIM

 

Sapos yu no kisim ol kago bilong yu insait long 28pla dei bihain long balus ron bilong yu, mipela bai rausim olgeta na no nap toksave long yu. Yu bai no nap kotim mipela bikos mipela givim yu pinis 28pla dei long kamap long kisim ol kago bilong yu. Mipela no nap karim hevi bilong yu, sapos sampela kain hevi kamap long yu yet bikos dispela kago yu yet no bin kam hariap long kisim kago yu sikelim long en (ol kolim checked baggage) o hap kago yu karim wantaim na lusim insait long balus taim yu kam daun long balus (mipela bai ken halivim sapos em kamap bikos long asua bilong mipela) o sapos sampela samting bilong yu I lus insait long ples balus o hap we ol memba tasol inap sidaun (ol kolim member lounge).

 

 

61. SAPOS YU GO KISIM KAGO BILONG NARAPELA PASINDIA

 

Sapos yu kisim kago bilong narapela pasindia long hap we mipela save salim ol kago long balus kam arasait (ol kolim baggage carousel) em wok bilong yu long karim dispela bilong narapela lain kam bek hariap na toksave long mipela. Yu yet bai baim wei long karim dispela kago kam bek long ol baggage claims woklain bilong mipela o bosman o bosmeri long ples balus we yu bin kisim dispela kago bilong narapela lain.

 

 

62. LONG KISIM KAGO BILONG YU

 

Sapos pasindia gat kago stika long bek (ol kolim baggage identification tag) kisim bek long kago hap na ino toksave o autim belhevi pastaim bifo yu lusim ples balus na go, em bai mipela lukim olsem kago bilong yu I stap orait taim yu kisim, na em aninit long Conditions of Carriage. Sapos wanpela hap kago bilong yu I bagarap, PNG Air bai halivim sapos yu nap soim olsem asua bilong mipela. Wanpela hap kago bilong yu gat liklik bagarap olsem liklik mak, o sikarap, mipela no nap karim bilong hevi tu.

 

Long ol ron bilong balus insait long kantri :

 

Sapos yu nid long pulamapim klaim fom sapos kago bilong yu I bagarap o lus olgeta, yu mas wokim bifo yu lusim ples balus. Yu mas givim dispela klaim fom long ol PNG Air trafik woklain o agent bilong mipela, yu mas raitim trutru stori bilong wanem dei na taim yu givim dispela klaim fom, long wanem hap, na nem na han mak bilong pasindia na husat yu wok long en ( o agent).

 

Long ol ron bilong balus go long ol narapela kantri :

 

Yu mas raitim pas I kam taim kago I bagarap o lus olgeta, insait long dispela taim mipela I makim:

 

Taim yu kisim bak bilong yu na luksave olsem I bagarap liklik, yu gat insait long 7pla dei o wanpela wik long toksave long mipela

Sapos I no lus tasol em leit long kamap, long taim em kamap na yu luksave taim yu kisim bek na luksave olsem I bagarap, yu gat insait long 21pla dei long toksave long mipela

 

 

 

63. WANEM SAMTING MIPELA NAP MEKIM SAPOS KEGO BILONG YU I BAGARAP O LUS

(a) Olgeta kago

  • Mipela bai karim hevi bilong kago I lus, bagarap o leit long kamap, namel long taim yu kalap long sevis bilong mipela wantaim tiket we I gat Airline Designator Code. Sapos mipela givim tiket o cekim kago long ron bilong balus bilong narapela balus kamapani, mipela mekim olsem agent bilong ol. Long sait bilong kago yu sikelim long en (ol kolim Checked Baggage) yu nap autim belhevi wantaim fes lain yu kalap wantaim, o las lain long karim kam long hap yu stap na kago I bagarap

  • Mipela no nap karim hevi bilong kago yu karim wantaim (cabin baggage bilong yu) I lus o bagarap. Miipela bai halivim tasol sapos yu nap soim olsem asua bilong ol woklain bilong mipela o agent, na hevi kamap long bek bilong yu.

  • Mipela no nap karim hevi sapos kago bilong yu i kamapim bagarap long ol narapela lain, o kago bilong ol, na ol samting bilong mipela tu

  • Mipela no nap karim hevi bilong yu, sapos yu no bihainim namba 35 long dispela Conditions of Carriage tok toksave we I tambu long karim, na yu karim yet long kago yu sikelim long (checked baggage) na I lus o bagarap o leit. Lo tasol bai tok nau mipela bai halivim.

 

 

(b)Kago long karim go long narapela kantri

 

  • Sapos yu bai go long narapela kantri (International Carriage) na balus ron bilong nbai kam aninit long wanpela bikpela Convention lo, em bai makim tu hau mipela bai halivim yu sapos yu nap soim olsem kago bilong yu bagarap o lus bikos long asua long sait bilong mipela, we ol woklain sapos long mekim samting tasol oI no mekim, o ol minim long mekim nabaut long kago o mipela save wanem ol kain samting nap kamapim hevi na wokim yet

  • Mak bilong halivim mipela bai givim taim kago bilong yu I lus, bafarap o leit long kamap I stap long bikpela Convention lo olsem:

  • Hau mas ol bikpela Convention lo we I bossim ol balus kampani, Motreal Convention 1999 I no stap long dispela – ol putim moni mak long 250 francs (moni bilong kantri France, na em kain olsem AU$32 long moni bilong Australia) bilong wanwan kilo long kago yu sikelim (checked baggage) we hevi kamap long en, o 5,000 francs ( moni bilong kantri France na em kain olsem AU$640 long moni bilong Australia) bilong kago yu karim wantaim long balus (cabin baggage), tasol sapos ol yusim A25 long Warsaw Convention, bai yu no nap yusim dispela moni mak

  • Montreal Convention 1999 lo – 1,000 SDRs (em olsem AU$1,900) long karamapim tupela kain kago, dispela yu karim wantaim long balus na kago yu sikelim long en. Bilong kago yu sikelim long en (checked baggage), mipela no nap halivim yu sapos bek bilong yu I no bin strong tumas, tasol long A.22.5 long bikpela Montreal 1999 Convention lo, yu no nap yusim ol dispela mak. Mipela bai halivim yu tasol sapos I asua long sait bilong mipela na kago yu karim wantaim long balus I bagarap.

 

Antap moa, sapos wanem lo ol I yusim givim kainkain mak bilong wanem samting mipela sapos long mekim long halivim pasindia, em nau bai mipela skelim dispela ol kainkain lo.

 

Sapos hevi bilong kago yu sikelim long en, ol I no rekotim long taim ol sekim ol kago , mipela bai ting olsem I no abrusim hau mas kilo ol raitim long tiket bilong yu, we yu no nap baim, dispela save bihainim wanem kain tiket (fare) yu baim.

 

(c ) Domestik (ol balus ron insait long Papua Niugini)

 

  • Kago long karim long ol ron bilong balus insait long Papua Niugini tasol, na no nap go long narapela kantri, bikpela Convention lo tok ol dispela ron bilong balus bai kam aninit long Civil Aviation (Aircraft Operators Liability) Act, ol bin kamapim long 1975 long PNG yet. Wok bilong balus kampani, long lukluk long kago, bai kami nap long mak olsem PGK300 bilong kago yu sikelim na kami nap long mak olsem PGK30 bilong kago yu karim wantaim long balus.

 

(d ) Long baim

 

  • Taim PNG Air peim wanpela kleim bilong kago I lus o bagarap, na pasindia kisim dispela moni na putim long benk, dispela taim bai mipela, ol woklain na ol agent pinis long sait bilong mipela halivim yu, na wanem moa wok, dinau, kleim, samting bagarap, I lus na wanem kain ol samting long peim ken long rausim dispela kago. Em bai stap long han bilong yu yet.

  • Taim yu wanbel na kisim dispela moni mipela peim kam long yu (mipela save givim sek moni ) em soim olsem mipela stretim dispela hevi wantaim yu na I pinis olsem.

 

 

64. TAIM HAP MONI LONG GIVIM BEK I RERE

 

  1. We sampela lo long kain tiket yu baim o moni mak bilong em, sapos yu:

     

  • Gat tiket we I orait yet na yu no yusim yet, o yusim hap tasol, na

  • Givim olgeta tiket kam long mipela

 

Em nau sapos yu askim, mipela bai givim bek moni bilong yu, tasol prais bilong tiket yu baim mas noken abrusim moni mipela oslem administresen fee long sasim long stretim dispela hap moni bak long yu.

 

  1. Na tu, sapos mipela:

     

  • No nap putim yu long balus na bukin bilong I konfem pinis

  • Ron bilong balus I leit tumas na yu les na rausim o kensolim balus ron bilong yu

  • Senisim olgeta taim bilong balus long ron go kam, we yu no wanbel na mipela no nap surukim bukin bilong yu I go long narapela ron bilong balus we yu bai orait wantaim

  • Mipela surukim bukin bilong yu I go long narapela (fare) kain tiket we em aninit long dispela yu baim (ol kolim downgrade)

  • Balus I no karim yu go long hap yu sapos long go daun long weit liklik na sukuruim go long narapela ron bilong balus (ol kolim stopover) o long hap yu sapos long go long en na stap long tiket bilong yu

  • Rausim o kensolim ron billong balus yu sapos long kalap long en

 

Em nau sapos yu askim, mipela bai nap givim bek hap moni bilong yu, na aninit long lo bilong dispela Conditions of Carriage, bai pinis mak long halivim bilong mipela.

 

 

 

65. WANEM MONI BEK BAI YU NAP KISIM ?

 

Sapos sampela liklik lo bilong kain tiket yu baim I tok nogat, em yu no nap askim mipela givim bek hap moni bilong yu, tasol sapos tiket bilong orait long yu askim, mipela nap givim olsem:

 

  • (fare) tiket yu baim (wantaim ol sas na takis bilong tiekt tasol mipela bai rausim sas bilong stretim) sapos yu no yusim yet tiket, o

  • Sapos yu yusim hap tiket pinis, mipela bai rausim bilong hap tiket yu yusim pinis na sas bilong mipela long stretim, wantaim sampela moa sas na takis

 

Lukluk long wanem kain tiket yu baim, na yu yusim hap tiket pinis, narapela hap yu no yusim yet nogut bai liklik tasol o nogat olgeta long givm bek long yu.

 

 

66. HUSAT BAI KISIM DISPELA HAP MONI BEK NA HAU BAI MIPELA PEIM ?

 

( a ) wanem moni bek long kisim, bai mipela peim stret long man o meri husat I baim tiket (sponsa), em tasol bai givim tok orait long mipela peim go long narapela lain.

 

( b) mipela bai givim bek hap moni, wankain olsem hau yu bin baim tiket, na long wankain moni sapos ol baim long moni bilong narapela kantri, nogat yu nap stretim toktok wantaim mipela long peim narapela wei.

 

 

67. LONG KISIM HAP MONI BEK LONG OL SAS NA TAKIS YU BAIM

 

Nogut mipela nap bekim wanwan ol sas na takis long tiket bilong yu. Maski wanem kain tiket (fare) yu baim long en, na tiket tok yu nap askim o nogat long bekim hap moni bilong yu, sapos yu no yusim tiket, yu nap putim kleim long kisim moni bek long sampela long ol sas na takis yu baim long en (sapos mipela yet bin baim dispela ol sas na takis em bai nogat, maski yu no yusim tiekt) na rausim tu sas bilong mipela long stretim dispela hap moni bek long yu. Sapos sas bilong mipela long stretim dispela bilong yu i antap moa long moni mipela nap givim bek long, em bai nogat nau long givim yu.

 

 

68. TAIM LONG KLEIMIM HAP MONI BEK

 

sapos I nogat narapela lo long givim narapela toktok, mipela nap tok nogat long givim bek hap moni bilong yu sapos yu askim bihain long taim yunap mekim kleim (Validity Period) I pinis.

 

 

69. RAIT BILONG MIPELA LONG TOK NOGAT LONG GIVIM BEK HAP MONI

 

 Mipela nap tok nogat olgeta long givim bek hap moni bilong tiket, we em I soim olsem yu gat tingting long lusim kantri yu satp long en, yu mas soim mipela olsem:

 

  • Yu gat tok orait bilong gavaman na ol narapela ofis I go pas long lukautim kantri yu laik go long en, long go na stap liklik long dispela kantri yu laik go long en, o

  • Yu bai go long narapela kain wei

 

 

 

70. TOK NOGAT LONG GO KAMAP LONG WANPELA KANTRI NA OL KAIN SAS

 

( a ) sapos yu no kisim tok orait long go kamap long narapela kantri, na gavaman o gavaman ofis I givim oda long mipela long karim yu go bek long ples bilong yu o narapela kantri olgeta:

 

  • yu mas baim wanem ol sas bilong holim yu long hap na tiket bilong yu, na

  • nogut mipela bai yusim wanem hap moni yu nap kisim bek bilong ol flight coupon (hep pepa long tiket) long baim tiket bilong yu (sapos yu no baim yet)

 

mipela no nap givim hap tiket moni bek bilong go long kantri we ol rausim yu long en.

 

( b ) sapos mipela givim rong toksave long yu taim yu askim long konsulet na wanem samting long rerim long go long narapela kantri, na yu bihainim tasol toktok bilong mipela, mipela bai givim sampela moni long karamapim moni yu tromoi bilong stretim wei bilong yu long go.

 

 

71. BEKIM MONI BILONG PNG AIR BILONG OL KAIN SAS NA PENOLTI

 

Sapos mipela kisim oda long baim sampela kain sas o penolti, o moni bilong karamapim ol kain sas o we samting I lus o bagarap (losses) bikos ol rausim yu long narapela kantri I kam bek, o bikos yu no bihainim ol lo o oda bilong go long dispela narapela kantri, o yu mekim nabaut na hatim bel bilong ol narapela, yu gat bikpela sik, yu mas bekim bek moni bilong mipela long karamapim moni mipela tromoi long stretim dispela hevi. Sampela taim mipela bai yusim moni mak bilong ol flight coupon (hap pepa long tiket) long go long peim ol dispela samting tu.

 

 

72. TAIM YU ASUA NA MEKIM NABAUT

 

Sapos mipela nap soim olsem olsem asua bilong yu na sampela bagarap I kamap, o sampela lain kamapim bagarap tasol mipela nap soim olsem yu tu stap long dispela hevi, aninit long ol lo, em bai daunim tru wanem samting sait bilong mipela nap mekim.

 

 

73. OLGETA KLEIM

 

Mipela nonap karim hevi bilong wanem bagarap I kamap bikos mipela bihainim ol lo o tok bilong gavaman, o yu no baihainim dispela ol wankain lo.

 

Dispela ol lo bilong Conditions of Carriage (wantaim tu wanem ol samting long rausim o daunim hevi mipela nap karim) mipela nap yusim na bai bilong gutpela bilong ol agent, woklain na husat tu I makim mipela, wankain olsem hau em ol lukautim mipela. Moni mak yu nap kisim bek long mipela, ol agent bilong mipela, ol woklain na ol narapela husat I makim mipela tu, bai no nap abrusim moni mak we lo I setim pinis, sapos I gat sampela kleim.

 

Sapos ol lo bilong dispela Conditions of Carriage I givim narapela tok, sapos I tok long sampela hevi bilong mipela long karim, bai lukluk long wanem ol bagarap mipela bai baim. Mipela bai no nap tru karim hevi taim bagarap I kamap long asua bilong narapela lain, I no long lain bilong mipela, na we em wankain olsem tok long bikpela Convwention lo, mak bilong halivim bilong mipela I no nap abrusim wanem samting we dispela Conditions of Carriage toksave I tok klia long en.

 

Nogat long dispela ol Conditions of Cariage:

 

  • tasol we mipela givim pas wantaim narapela toktok em bai nogat, em bai surukim mak bilong wanem samting mipela nap mekim long stretim ol hevi o bagarap I kamap, aninit lo bikpela Convention lo na wanem ol narapela lo we mipela I wok aninit long ol, o

  • rausim olgeta wei long lukautim mipela yet aninit long bikpela Convention lo na wanem ol narapela lo we mipela I wok aninit long ol, wantaim tu wane lo long lukautim mipela long pablik social insurans o husat lain we mipela nap kotim, o embaim pinis, kompensesen bilong pasindia dai o kisim bikpela bagarap.

--------------------------------------------------------------------------------------------------------------------------------------

74. MAK BILONG HEVI MIPELA BAI KARIM SAPOS BALUS LEIT, WANPELA KISIM BIKPELA BAGARAP O DAI

 

(a ) Long ol balus ron go long narapela kantri

 

Bilong wanem kompensesen moni yu nap kleimim bilong bagarap I kamap namel long ron bilong balus, moni mak bilong kleimim I go inap olsem 1000,000 SDRs (kain olsem AU$190,00) bilong wanpela I dai o kisim bikpela bagarap long balus o long taim em wok long kalap o kam daun long balus, mipela bai no nap rausim o katim mak bilong halivim mipela nap givim. Tasol wanem halivim mipela sapos long givim taim bagarap I kamap, bai go daun aninit long sampela lo, sapos asua bilong yu yet I kamapim o halivim long kamapim bagarap.

 

  • Mipela no nap karim hevi antap moa long 100,000 SDRs ( em olsem AU$190,000), taim pasindia dai o kisim bikpela bagarap, tasol mipela no nap baim sapos mipela painim aut olsem:

  • I no asua bilong mipela o agent bilong mipela; o

  • asua bilong narapela lain olgeta I kamapim bagarap

Sapos ron bilong balus I leit:

 

  • Aninit long bikpela Warsaw Convention lo, mipela bai karim hevi sapos mipela no nap soim olsem mipela traim olgeta wei long long abrusim bagarap I kamap, na tu mipela no nap stopim;

  • Na sapos aninit long bikpela Montreal Convention lo, em tu bai mipela gat hap hevi long stretim tu, tasol sapos mipela spoim ples klia olsem mipela traim olgeta samting mipela nap mekim long abrusim dispela bagarap long kamap, o ol narapela samting wokim hat long mipela long stopim. Bikpela Montreal Convention lo I tok olsem moni mak bilong mipela long baim, em 4,150 SDRs ( em kain olsem AU$8,000).

 

 

(b ) Long Papua Niugini

 

Olgeta ron bilong balus we ol raun insait long Papua Niugin na no nap go long wanpela narapela kantri, olsem ol tok long bikpela Convention lo tu, dispela olgeta ron bilong balus bai kam aninit long Civil Aviation (Aircraft Operators Liability) Act ol bin kamapim long 1975 hia yet long Papua Niugini. Na toktok long dispela lo Iong wanem samting mipela sapos long wokim taim wanpela pasindia I kisim bikpela bagarap o bungim dai bilong em, moni mak ol tok bilong wanwan pasindia I no nap abrusim PGK30,000.

 

 

 

(c) Olgeta ron bilong balus

 

Mipela no nap karim hevi long sait bilong sik, o u kisim bagarap long wanpela hap bodi bilong yu sapos yu yet gat sampela sik na yu no orait tumas na laik yusim sevis bilong mipela, o yu gat sik na laik kalap long balus na em mekim yu go bagarap olgeta.

 

 

75. SAPOS MIPELA BURUKIM WANPELA KONTRAKT O HAP LO

 

Lo i stap olsem, kampani no bai luksave long ol hevi o birua yu bungim long taim yu lusim ol kago bilong yu long taim yu kalap o stap long balus pinis. Sapos Australian Trade Practices Act 1974 (Cth) o narapela wankain lo i stap na tok olsem sampela hap yumi no inap abrusim, orait I gat mak tu long wanem samting mipela bai nap halivim yu long en. Dispela kain samting i kamap mipela nap givim yu sans long mekim balus ron bilong yu go long wanem hap yu bin laik go long en, o mipela baim na stretim wei bilong yu kalap long wankain ron bilong balus, em bai mipela skelim tingting na tok.

 

--------------------------------------------------------------------------------------------------------------------------------------

 

76. OL KLEIM BILONG TAIM WANPELA KISIM BIKPELA BAGARAP O DAI

 

Long sait bilong putim kleim sapos yu kisim bikpela bagarap, yu mas raitim pas I kam hariap, na sapos yu bungim dai bilong yu, wanpela lain bilong yu ken makim yu na em mas raitim wankain pas hariap long toksave.

 

--------------------------------------------------------------------------------------------------------------------------------------

 

77. SAPOS KOLOS BILONG YU I BAGARAP

 

Taim sampela asua kamap na kolos yu putim long skin o long bek yu karim wantaim I bagarap long balus, yu mas toksave hariap long ol woklain bilong mipela insait long balus yet.

 

--------------------------------------------------------------------------------------------------------------------------------------

 

 

78. MAK BILONG OL SAMTING YU NAP KLEIMIM

 

Taim yu kisim sampela kain bagarap na laik putim kleim, yu nap ritim moa stori bilong dispela insait long dispela Conditions of Carriage toksave.   Sapos taim bilong yu long putim kleim I pinis, yu bai no inap olgeta, olsem na tingim yu bai gat rait long putim kleim na kotim kampani bilong mipela insait long 2pla krismas bihain long wanpela long ol 3pla samting:

 

  • Dei ron bilong balus yu kalap long en I kamap

  • Dei balus I sapos long kamap long en, o

  • Dei yu stopim balus ron bilong yu

 

Kot yet bai skelim taim yu gat long en.