+675 722 22 151 pngflag
+61 7 3106 4271 ausflag
[English] [Tok Pisin]

 

Ol Charta Ron


PNG Air em wanpela long ol bikpela fixed wing charta kampani insait long South Pacific na lukautim ol mining kampani husat i wok hia long PNG, olsem :

 

  • Esso Highlands Limited (ol hap bilong Exxon)

  • MRDC

  • St Barbara Mining

  • Newcrest Mining

  • PNG Energy Developments

  • International SOS

PNG Air i bin statim dispela ol kopret (kampani) charta long 1987 taim ol i bin winim kontrakt wantaim Chevron Niugini long karim ol aviation sapot sevis i go kam long Kutubu oilfield projekt bilong ol. Ol bin wok wantaim gut stret na taim Chevrin Niugini lusim PNG, Oil Search Limited i bin kism ples bilong ol tasol ol holim yet wankain kontrakt wantaim mipela.

 

 

 

Nau PNG Air ken givim balus sevis long ol narapela kastoma tu insait long kantri wantaim :

 

  • Bikpela pilot woklain bilong mipela gat planti krismas wok experiens long ronim balus insait long PNG

  • Ol operasen sistem na levol mipela wokim long lukautim ol kastoma insait long resos market

  • BARS Gold Registrasen

  • Wol klass seifti bihainim ol mama lo insait long region olgeta

  • Airline Reservations (bukings) Systems

  • 24/7 Integrated Operations Centre

  • GPS Flight tracking (SkyNet)

  • Spesel Charta Terminal lo Mosbi

  • Experiens long wok wantaim resos industri sevis

  • Mipela inap long karim na lukautim kainkain kago na tu stretim kastoms bonding

  • Ol woklain save long stretim ol sik manmeri long medivak sevis bilong mipela

 Wantaim ol ATR na Dash 8 balus, PNG Air nau i fit na rere long givim namabawan balus sapot long ol kastoma. Kampani i skelim na baim ol balus we inap stret long halivim mipela long givim gutpela charta sevis long dispela ol kain liklik asples insait long ol mining hap, bikos ol ken kirap na kamap lo liklik sotpla hap, (STOL) ol no nidim gutpela ples balus. Ol pilot bilong mipela gat planti krismas experiens long ronim balus long dispela ol kain ples na tu insait long PNG. Dispela olgeta balus i gat gutpela sapot bilong fit flight operasen, engineer na seifti sistem bilong mipela base long Mosbi.

 

PNG Air i gat Charta Operasen woklain we ol i lukluk tasol long wok wantaim na hamamasim ol charta kastoma. Long dispela as charta sevis bilong mipela gat seksen bilong ol yet long ples balus long Jacksons long Pot Mosbi. Em ken fitim 120 pasindia na gat olgeta aviation sekuriti screening sistem. Taim ol pasindia go stap ol ken dring tea na kofi na lukim nius long traipela 42” TV tu.

 

Charta sevis bilong i karamapim planti hap insait long PNG na i go tu long Solomon Islands na Australia. Mipela ken sukuruim tu wantem normol balus ron bilong mipela, long wokim isi long ol kastoma na savim liklik moni long karim ol wantaim kago go kam insait long PNG. Antap long dispela ol long taim kampani kontrakt, PNG Air ken ronim wanwan taim charta ron tu.